Цаг агаарын талаархи дээд амжилтыг 2023 он аль хэдийн эвдэж байна. Хаврын хэт халалт Испани болон Зүүн өмнөд Азийн орнуудад дээд амжилт тогтоов.
Сүүлийн найман жил манай гарагийн түүхэн дэх хамгийн дулаан жил байсан бөгөөд өнгөрсөн жил Европ болон Хятадад урьд өмнө байгаагүй халуун зун тохиосон. Цаашид ч ийм халуун тохионо гэдгийг цаг уурчид анхааруулж, хүн бүр шинэ гамшигт бэлдэхийг санал болгов.
НҮБ-ын Дэлхийн цаг уурын байгууллагын Лхагва гарагт нийтэлсэн ирэх таван жилийн урьдчилсан мэдээ өмнөхөөсөө илүү таагүй дүр зурагтай гарчээ. Тодруулбал, 2023-2027 оны дундаж температур сүүлийн таван жилийнхээс 98 хувийн магадлалтайгаар өндөр байх бөгөөд 2016 онд тохиосон түүхэн дэх хамгийн халууныг давна гэж үзэж байна.
Энэ урьдчилсан таамаглал дээр ажиллаж байсан эрдэмтдийн нэг Леон Хермансон "Манай гараг дээрх температур үргэлжлэн нэмэгдэж, бидний дассан уур амьсгал түүхэнд үлдэх болно" гэжээ.
Европ тив хоёр дахь жилдээ ган гачиг, хэт халуун, ой хээрийн түймрийн аюулд өртөж байна
Хамгийн халуун найман жил. Дулаарлын шалтгаан нь хүн төрөлхтөн бөгөөд үйл ажиллагааныхаа хор хөнөөлтэй үр дагаврыг даван туулж чадахгүй байна гэж Дэлхийн цаг уурын байгууллагын Ерөнхий нарийн бичгийн дарга Петтери Таалас хэлэв.
Дулаан нь хүний эрүүл мэндийг доройтуулдаг. Ерөнхий нарийн бичгийн дарга Таалас өнгөрсөн зун Европт дээд амжилт тогтоосон дулаан температурын үеэр нас барсан хүний тоо 15,000-аас давсныг дурдав. Халууны улмаас 2010 онд 50,000 хохирогч голдуу Орост байсан бол 2003 оны 75,000 хүн амиа алджээ.
Хоёр муу мэдээ: Эль Нино ба Арктик
Ирэх таван жил түүхэндээ халуун байх болно гэдгийг цаг уурчид хоёр баримтаар нотолж байна.
Нэгдүгээрт, гурван жилийн турш үргэлжилсэн Ла Нинагийн үзэгдэл (Номхон далай дахь температурын бууралт) Эль Ниньогоор солигдож байна. Өөрөөр хэлбэл далайн гадаргуу дулаарч, нийт дулаарлыг улам хурцатгаж байна. Энэ нь агаар мандал дахь хүлэмжийн хийнээс үүдэлтэй.
Хоёрдугаарт, Арктикт аль хэдийн ажиглагдсан дулаарал улам эрчимжих болно гэдгийг урьдчилсан мэдээ харуулж байна. Мөс, цас хайлах нь хурдасч, улмаар температур улам нэмэгдэх болно" гэж Таалас тайлбарлав.
Манай гаригийн жилийн дундаж температур аль хэдийн 1.2 хэмээр нэмэгдсэн бөгөөд ойрын таван жилд энэ нь 1.5 хэм хүрэх магадлал шинэхэн прогнозоор 66% хувийн магадлалтай байна.
Эх сурвалж: ВВС