Дөрөвдүгээр сарын 28-аас тавдугаар сарын 4-ний өдрүүдэд нүүрс экспортын 4286 автомашин, 1045 чингэлэг тээвэр, 483 AGV тээвэр хийсэн байна.
Тухайн хугацаанд 590.9 мян.тн нүүрс экспортод гарсан нь өмнөх оны мөн үеэс 60 хувь өссөн аж. Оны эхнээс 19,774.7 мян.тн нүүрс гарснаар нүүрс экспорт өмнөх оны мөн үеийн хэмжээнээс 15,742 мян.тн-оор буюу 4 дахин өссөн байна.
Харин 215 автомашин, 222 чингэлэг тээврээр зэсийн баяжмал экспортолжээ. Оны эхнээс нийт 495.1 мян.тн зэсийн баяжмал экспортолсон нь өнгөрөгч оны мөн үеэс 2 хувиар өсжээ. Төмрийн хүдэр, баяжмалын тухайд 34 автомашин, 1,317 чингэлэг тээвэр хил нэвтэрсэн. Оны эхнээс нийт 1,784.8 мян.тн-ыг экспортолсон нь өнгөрөгч оны мөн үеэс 70 хувиар өсөв.
Тайлант 7 хоногт 96.4 мян.тн төмрийн хүдэр, баяжмал хилээр гарчээ. Төв банк оны эхнээс энэ сарын 4-ний өдрийн байдлаар 3.27 тонн алт худалдан авав. Эрдэс бүтээгдэхүүний нийт экспорт дунджаар 41 хувийн гүйцэтгэлтэй байна. Тухайлбал, нүүрс 54.2 хувь, зэсийн баяжмал 35.4 хувь, төмөр 21.2 хувь, алт 16.3 хувь, газрын тос 24.9 хувь, цайр 69.4 хувь, хайлуур жонш 64.3 хувь тус тус байна.
Эх сурвалж: УУХҮЯ