Украйны Запорожье мужид тавдугаар сарын 08-ны Ням гарагт явган цэргийн 97-р батальон Оросын булаан эзлэгчид өөрсдийн армийн гишүүдийг "хүнд Зантепек" галт зэвсгийн системээр андуурч галдан шатаасан гэж Украйны армийн дарга мэдэгдлээ. Гал шидэгчийн улмаас хүний амь нас хохирсон, бэртсэн эсэх нь одоогоор тодорхойгүй байгаа аж.
ОХУ-ын ерөнхийлөгч Владимир Путин хоёрдугаар сарын 24-нд анх Украйн руу цэргээ илгээснээс хойш Кремлийн удирдагчид армийнхаа чадавхийг хэтрүүлэн үнэлсэн гэж тагнуулууд үзэж байгаа юм.
Энэ үйл явдалд Украйны 97-р явган цэргийн баталионы удирдагчид сэтгэл ханамжтай байгаагаа цахим хуудсаараа дамжуулан илэрхийлжээ. Тодруулбал,
"97-р явган цэргийн батальоны удирдлага өнөөдөр Запорожьегийн чиглэлд "Занцепек"-ийн хүнд галт зэвсгийн систем ашиглан, арьс өнгөөр ялгаварлан гадуурхсан булаан эзлэгчдийг бодитоор шатаасан Оросын түрэмгийлэгчдийн үйл ажиллагаанд сэтгэл хангалуун байгаагаа илэрхийлж байна. Ийм үйлдлийг Украины цэргийнхэн эерэгээр хүлээн авч, бүх талаар дэмжиж байна” гэж ёжлон нийтэлжээ.
Оросууд TOS-1 пуужин, термобарик гал сөнөөгч ашигласан байна. Орос улс ч мөн энэ талаар хариу мэдээлэл хийгээгүй байна.
Эх сурвалж: Nesw.mn