Туркменистаны эцэг хүү Ерөнхийлөгчид
Туркменистаны ерөнхийлөгч асан Гурбангулы Бердымухамедов өнгөрсөн жил өөрийн хүү Сердарт эрх мэдлээ шилжүүлж, тэрээр ерөнхийлөгч болсон юм. Харин одоо хүүгээсээ эрх мэдлийг эргүүлэн авахыг хүсч байна.
Гурбангули Бердымухамедов хүүдээ эрх мэдлийг шилжүүлсний дараа "хөшигний араас засаглана" гэж бодож байсан байх.
Гэвч үнэн хэрэгтээ хүү нь Ерөнхийлөгч болсноосоо хойш асар их эрх мэдэлтэй болж, нөлөө бүхий хамаатан саднаа хэлмэгдүүлж, аавтай нь биш өдгөө өөртэй нь холбоо тогтоох гадаадын түншүүдтэй уулзаж эхэлсэн. Үүнээс гадна өөрийг дэмжих өртэй хэд хэдэн сайдыг томилж Засгийн газраа шинэчилсэн.
Ийм давхар эрх мэдэл нь засаглалын шатлалыг төөрөгдүүлэхэд хүргэдэг. Улс орны жинхэнэ удирдагч нь хэн бэ гэдгийг нийгэм ч, төрийн аппарат ч ойлгодоггүй. Тухайлбал, туркмены албаны хүмүүс аав хүү хоёрын гадаад айлчлалд хэнийг дагалдан явах ёстой, аль эсвэл болохгүй талаар эргэлзэж, төрийн хэвлэл мэдээллийн хэрэгслээр хэнийг нь түрүүлж харуулах вэ гэхчлэн асуулттай тулгардаг болсон.
Энэ бүх үйл явцад эцэг Гурбангулы бодит хүчийг эргүүлэн авахын тулд яаралтай тусгай ажиллагаа явуулахаар шийджээ. Гуравдугаар сарын сүүлчээр Туркменистанд парламентын сонгууль болсон бөгөөд энэ нь тус улсын парламентыг нэг танхимтай болгох зорилготой байв. Энэ хүрээнд Гурбангулы Бердымухамедов өөрийн тэргүүлдэг парламентын дээд танхимыг бараг хязгааргүй эрх мэдэл бүхий үндэстэн дамнасан байгууллага болгон өөрчлөх шинэчлэлийг эхлүүлжээ. Эцэг Гурбангулыг тойруулж боловсон хүчний ямар нэгэн өөрчлөлт хийх боломжгүй болсон байна.
Хэрэв ямар нэг шалтгааны улмаас төрийн тэргүүн үүргээ биелүүлэхгүй бол эрх мэдэл нь үндэстэн дамнасан шинэ танхимын дарга, буюу өөрөөр хэлбэл Бердымухамедовт автоматаар шилжинэ.
“Туркменистан дахь эрх мэдлийг эцгээс хүүд шилжүүлсэн түүх инээдтэй мэт санагдаж болох ч авторитар тогтолцоонд эрх мэдэл дамжин өнгөрөх үйл явц хэр эмзэг байдгийн нэг жишээ юм.
Эх сурвалж.Сentralasiamedia.