Илон Маскийн "SpaceX" компани пүрэв гарагт хүн төрөлхтний түүхэн дэх хамгийн том пуужин, сансарын хөлөг онгоц болох Super Heavy болон Starship-ыг хоёр дахь оролдлогоор хөөргөв. Гэвч пуужинг сансрын буудлаас хөөргөсөн боловч хэдхэн минутын дараа дэлбэрчээ.
Төлөвлөгөөний дагуу Super Heavy-ийн эхний шат хөөргөсний дараа эргэж шууд газардах ёстой байсан бөгөөд харин "Starship" хөлөг сансарт гарах ёстой байв.
Гэхдээ сүйрсэн хэдий ч "Space X" туршилтыг амжилттай болсон гэж үзэж байгаагаа мэдэгдэв.
Хөлөг болон пуужингийн өндөр нь нийлээд бараг 120 метр бөгөөд түлхэх хүч нь өнөөг хүртэл бүтээсэн хамгийн хүчирхэг пуужингаас бараг хоёр дахин их байв.
Пуужинг орон нутгийн цагаар өглөөний 8:34 цагт Техас мужийн Бока Чика хотын жижиг сансрын буудлаас хөөргөсөн юм.
Өнгөрөгч даваа гарагт пуужинг хөөргөхөөр төлөвлөж байсан ч хойшлуулж өчигдөр хөөргөжээ. Тухайн үед Илон Маск хэлэхдээ бид гайхалтай хүч чадалтай аварга пуужингийн туршилтын тухай ярьж байна. Хэрэв ямар нэг зүйл мэргэжилтнүүдийн айдас болгоомжлол төрүүлж байгаа бол техникийн шалтгаанаар хөөргөх хугацааг хойшлуулна гэж анхааруулж байсан юм.
Тооцож төлөвлөж байгаагийн дагуу энэхүү пуужин сансрын нислэгийн салбарт дэлхий даяар бараг бүрэн хувьсгал хийх ёстой юм.
Пуужин хөөргөсөнөөс хойш хоёр минут 49 секундын дараа доод шатлал нь салж, хөлөг өөрийн хөдөлгүүрээр дэлхийн гадаргаас дээш 100 гаруй км өндөрт аялах болно. Энэ тойрог замд нийт зургаан минут 23 секунд зарцуулагдана гэж тооцож байв.
Дараагийн 90 минутын хугацаанд хөлөг дэлхийг тойрон бараг бүрэн тойрч улмаар Хавайн арлуудаас хойд зүгт Номхон далай руу буух ёстой байсан юм.
"Starship" хөлөг хөөргөх үйл явцыг АНУ-ын үндэсний сансар судлалын агентлаг НАСА анхааралтай ажиглаж байна. Сар руу багийнхныг хүргэх чадвартай "Starship"-ийн хувилбарыг бүтээхийн тулд НАСА "SpaceX"-д бараг 3 тэрбум доллар хуваарилжээ.
Өмнөд Калифорнийн их сургуулийн профессор, SpaceX-ийн зөвлөх Гарретт Рейсман "Маск нарны аймаг руу улам гүн гүнзгий орохыг хүсч байна. "Тэр Starship-ийг хүмүүсийг Ангараг руу өргөн цар хүрээтэй хүргэх боломж гэж харж байна" гэж хэлэв.
Гэсэн хэдий ч тэрээр энэ төсөлд тодорхой эрсдэлүүд, тухайлбал, түүхэнд бүтээгдсэн хамгийн том төхөөрөмжөөс дор хаяж хоёр дахин том "Starship" пуужингийн хэмжээтэй холбоотой эрсдэлүүдийг харж байна гэдгийг онцолжээ.
Бока Чика хотод "SpaceX" төрөл бүрийн сансрын хөлгүүдийн томоохон хэмжээний туршилтын үйлдвэрлэл явуулж байгаа бөгөөд компанийн төлөөлөгчдийн хэлснээр тэнд хэд хэдэн загварууд туршилтаа хүлээж байна.
Эх сурвалж:ВВС