УЦУОШГ болон ОБЕГ-аас баруун аймгуудын нутгаар хүчтэй шороон болон цасан шуурга шуурч, гамшигт үзэгдэл болох талаар өчигдөр мэдээлэл хийсэн билээ. Тэгвэл үүний улмаас өнөөдөр Ховд аймагт ЕБ-ын сургуулиуд, цэцэрлэгүүд амарч байна.
Тодруулбал, Тус аймгийн Засаг дарга, Онцгой комиссын даргаас өгсөн чиглэлийн дагуу өчигдөр "Шуурхай штаб" хуралдаж, хурлаас гарсан шийдвэрийн үр дүнд болзошгүй эрсдэлээс сэргийлэх зорилгоор өнөөдөр буюу дөрөвдүгээр сарын 18-ны өдөр сургууль, цэцэрлэгийн үйл ажиллагааг түр зогсоох, эрүүл мэнд, эрчим хүч, дулааны станц, мал эмнэлэг, хэв журам сахиулах мэргэжлийн анги бүрэлдэхүүнийг өндөржүүлсэн бэлэн байдлын зэрэгт шилжүүлж ажиллах тухай шийдвэр гаргажээ.
