Нийгмийн Бодлогын Байнгын хороо өнөөдөр /2022.05.10/ хуралдаж, ЭМД-ын үндэсний зөвлөлийн өнгөрөгч 2021 оны тайланг танилцуулсан. Энэ үеэр ЭМ-ийн эмнэлгийн ажилтан, эмч, сувилагч нарт түрээслээд өмчлөх журмаар Капитал банкны өрөнд авсан байрыг өгөх боломжтой эсэх талаар УИХ-ын гишүүн, хуралдаан даргалагч М.Оюунчимэг асуулаа.
Үүнд ЭМ-ийн сайд С.Энхболд хариулт өгсөн ба тэрбээр, "ЭМД-ын үндэсний зөвлөл дээр Капитал банкнаас үл хөдлөх хөрөнгүүдийг хэрхэх талаар ярилцсан. Эхний ээлжинд Эрүүл Мэндийн Даатгалын Сангийн орлогыг бүрдүүлэх ёстой талаар ярилцсан. Тэгсэнээр бид тусламж, үйлчилгээндээ зарцуулна. Тиймээс хамгийн түрүүнд зарж борлуулах, худалдаалах нь зүйтэй гэж үзсэн.
Мэдээж эрүүл мэндийн салбарын албан хаагчдын нийгмийн асуудлыг шийдвэрлэхэд онцгой анхаарч байгаа. Ялангуяа түрээслээд өмчлөх байрны судалгаанд хамруулахыг илүү эрмэлздэг. Капитал банкнаас ирсэн байрнуудын үнэ өртөг харьцангуй өндөр учир бид дэмжих ажилтан болон сувилагч нарт өгөх асуудалтай байна" гэлээ.
