Үндэсний баяр наадам, Ардын хувьсгалын 101 жилийн ойн баяр наадмыг Монгол түмэн тэсэн ядан хүлээж буй. Цар тахлаас улбаалж хоёр жил наадмаа үзэж чадаагүй иргэдийн хувьд энэ жилийн наадиын нээлтийг хэн найруулах бол гэдэг хүлээлт нийгэмд үүсээд байна.Баяр наадам зохион байгуулах комиссоос наадмаас хоёр сар өмнө Үндэсний их баяр наадмын хөтөлбөрийн ерөнхий найруулагчийг сонгон шалгаруулдаг уламжлалтай. Харин өнөөдрийн байдлаар баяр наадмын ерөнхий найруулагч тодорхой болоогүй байгаа бөгөөд "Фантастик" продакшны найруулагч Б.Тамирыг сонгохоор яригдаж байгаа гэсэн мэдээлэл байна. "Фантастик" продакшны найруулагч Б.Тамир нь олон сайхан киноны уран бүтээлээрээ үзэгч олонд танигдсан залуу найруулагч билээ.
Б.Тамир нь “Фантастик” продакшныг үүсгэн байгуулагч, захирлын албатай бөгөөд “Маш нууц”, “Байтаг Богд” уран сайхны кинонд гол дүр бүтээж, найруулагчаар нь ажиллаж, “Зүрхний хилэн”, “37-р точка”-ын зохиолыг бичиж, мөн найруулсан юм.
