ТӨБЗГ-ын дарга хэдхэн хоногийн дараа хэлсэн үгнээсээ буцаж Л.Наранбаатарыг шалгаж дүн тавихаар очихдоо
"Буруу ташаа мэдээлэл ирсэн байна, Цемент шохой ТӨХК-ийн хэвийн ажиллаж байна. Үйлдвэрийг боломжийн хэмжээнд авч явах гэж хичээж ажиллаж байгаа залуу хүн. Хүнд цаг үеийг сайн давсан байна" хэмээлээ.
Уг нь тэрбээр одоогоос хоёрхон хоногийн өмнө /2023.04.12/ Цемент шохой ТӨХК-ийн захирал Л.Наранбаатар ажлаа хийж чадахгүй байгаа учир үйлдвэрийн үйл ажиллагаа алдагдсан. Сошиалаар ажлаа хийдэг. Түүний олон нийтэд өгсөн мэдээлэл ажилчдынх нь мэдээлэлтэй зөрж байгаа. Архи уухаараа ажилдаа ирдэггүй, хэдэн хоног алга болдог ийм удирдлага надад хэрэггүй гэдгийг нөхөрсөгөөр хэлж байсан" хэмээн хэлж байв.
Өөрийн биеэр очиж шалгаагүй байж Л.Наранбаатарыг харлуулж ярьсан хүн нь ТӨБЗГ-ын дарга Б.Цэнгэл, өөрөө. Бусдын хов үгээр хэвлэлээр хүний нэр хүндэд халдсан үгнээсээ тэр өнөөдөр ийн буцжээ.
Харин нөгөө талд Л.Наранбаатар бол аудитын байгууллагын дүгнэлтээр бүхэл бүтэн 400 гаруй тэрбум төгрөгийн зөрчил гаргасан дарга. Тэрбээр томилогдоод 400 хоног болсон ч бумбын тахилга сэлтэд сая саяар цацчихсанаа ичиж улайхгүй мөн л хэвлэлээр ярьж, өөрийгөө өмөөрсөн.
400 тэрбумын зөрчилтэй төрийн ажлыг явуулагч Л.Наранбаатар, түүнийг шалгагч дарга хоёрын байгаа байдал нэг ийм.
