Орон нутгийн Хурлын Төлөөлөгчийн нөхөн, дахин сонгуулийг 15 аймаг, 43 сум, нийслэлийн 2 дүүрэг, нийт 67 сонгуулийн хэсэгт явуулах бөгөөд анх удаа улс даяар нэгдсэн журмаар зохион байгуулагдах ба нийт 51 хурлын төлөөлөгчийг нөхөн сонгох бол 2 төлөөлөгчийг дахин сонгох юм.
Тодруулбал, Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн тухай хуулийн 9 дүгээр зүйлийн 9.9-д “Орон нутгийн Хурлын нөхөн болон дахин сонгуулийг жил бүрийн 6 дугаар сарын гурав дахь долоо хоногийн Ням гарагт улс даяар нэгдсэн журмаар явуулна.” гэсний дагуу орон нутгийн Хурлын нөхөн болон дахин сонгуулийг 2022 оны зургаадугаар сарын 19-ний өдрийн ням гарагт нэгдсэн журмаар зохион байгуулахаар болжээ.
Энэ удаагийн нөхөн сонгуульд:
-Аймгийн Хурлын төлөөлөгчийн дөрөв,
-Сумын Хурлын төлөөлөгчийн 45,
-Дүүргийн Хурлын төлөөлөгчийн 2 мандат, нийт 51
Хурлын төлөөлөгчийн дахин сонгуульд:
-Аймгийн 1, сумын Хурлын төлөөлөгчийн 1, нийт 2 тойрогт дахин сонгууль явагдахаар төлөвлөгджээ.
Нөхөн сонгууль явуулах нөхцөл байдал үүсч, 54 төлөөлөгчийн орон гарсан үндэслэл нь нас барсан-32, төрийн жинхэнэ албан тушаалд томилогдсон-8 шүүхийн шийдвэрээр-6, тухайн орон нутгаас шилжин явсан болон өөрийн хүсэлтээр-7, УИХ-ын гишүүнээр сонгогдсон-1 байна.
Эх сурвалж: Сонгуулийн Ерөнхий хороо
