Хөвсгөл аймгийн Бүрэнтогтох сумын харъяат 54 настай, эрэгтэй 2022.05.06-ны өдөр Дэлгэрмөрөн гол руу үсэрч живсэн байна. Энэ тухай дуудлага тус аймгийн ОБГ-т тухайн өдрийн 17:49 цагт ирсэн бөгөөд өнөөдөр гурав дахь өдрөө эрэн хайх ажиллагааг хийж байна.
Тодруулбал, Аймгийн ОБГ-ын алба хаагчид 2022.05.08-ны өдрөөс эхлэн 2 бүлэгт хуваагдан нэгдүгээр бүлэг Эрчим багийн “Хилэнтийн гүүр” гэдэг газраас зүүн зүгт 600 метрийн зайд 12 удаа шумбалт хийж, хоёрдугаар бүлэг тус гүүрнээс “Ногоон булаг” гэдэг газар хүртэл 16 км-т завиар эрэн хайх ажиллагааг зохион байгуулсан боловч үр дүнд хүрээгүй тул 18:30 цагт түр зогсоосон байна. Ийнхүү өнөөдөр буюу 2022.05.10-ны өдрийн 08:00 цагт эрэн хайх ажиллагааг дахин эхлүүлсэн аж.
