Запорожье мужийн Оросын мэдэлд байдаг нутаг дэвсгэрт тус улсын цэргиийнхэн 70 км урт шуудуу ухаж, мега траншей барьж байгуулсныг Эрэн сурвалжлах сэтгүүлчид мэдээллээ.
"Сентинел-2" хиймэл дагуулаас авсан гэрэл зургуудаас харахад Оросын баруун хэсгийн бэхлэлт хийсэн газар нутгийн байршил нь Семеновка тосгоны зах хязгаарыг хамарч байна. Энэ нь Мелитополь хотын төвөөс ойролцоогоор 9 км-ийн зайд оршдог гэсэн үг. Тодотгоход, Оросын засгийн газраас Мелитополь хотыг тус бүс нутгийн нийслэл гэж тодорхойлсон байдаг.
Мелитополь мужийн нутаг 70 км урт шуудууны байршил
Оросын цэргүүдийн босгосон бэхлэлтийн зүүн талын цэг нь Приморский дүүргийн Мариновка тосгоны захад байна.
Хиймэл дагуулын мэдээлэлд дүн шинжилгээнээс харахад энэхүү хамгаалалтын шугамыг 2022 оны есдүгээр сарын эхээр барьж эхэлжээ.
Оросын арми хоёр талаас зэрэг шуудуу ухаж эхэлсэн бөгөөд аравдугаар сарын 18-ны байдлаар мега траншей аль хэдийн бэлэн болсон байна. Түүний тасралтгүй урт нь 70 км хүрч байгаа юм.
Харьцуулбал, 70 км-ийн хамгаалалтын шугмын урт нь Запорожье мужийн зүүнээс баруун хүртэлх 205 км газрын бараг гуравны нэг гэсэн үг бөгөөд жишээлбэл, Херсоноос Николаев эсвэл Вена хүртэлх зайтай тэнцүү юм.
Эрэн сурвалжлах сэтгүүлчдийн төвийн мэдээлснээр, Оросын цэргүүд өвлийн турш шуудуу ухаж, траншей барьж, танк эсэргүүцэх нүх бэлдсэн байна.
Эх сурвалж: Сentralasiamedia.
