2022-2023 оны улирал шинэхэн ордонд өндөр түвшний зохион байгуулалт дунд явагдаж өндөрлөх шатандаа орлоо. Хатуу ширүүн, тоглолт бүр үнэ цэнтэй плэй-оффын тоглолтууд дуусч аваргын төлөө Эрдэнэтийн Уурхайчид, Тэнүүн Өлзий Металл багууд үлдээд байна.
Шинэхэн Азийн аваргын Үнэ цэнтэй тоглогчоор ахлуулсан Металл, улирлыг тэргүүлж дуусгаж, плэй-оффт нэг ч хожигдолгүй шүүрдсээр яваа Уурхайчидтай тулна. Аналист, мэргэжилтнүүдийн таамгаар хэдий Уурхайчид хүчирхэг бүрэлдэхүүн сайн багийн системтэй ч гэсэн Тэнүүн Өлзий Металл тэдний хувьд хамгийн хүнд өрсөлдөгч нь байсаар ирсэн . Хоёр баг энэ улиралд хоёр удаа учраа таарсан буюу хоорондын харьцаа 1-1. Эрдэнэт Майнерс баг улиралд зөвхөн 2 хожигдол амссаны нэг нь Тэнүүн Өлзий Металл баг учраас энэ цуврал урт удаан сонирхолтой үргэлжлэх нь дамжиггүй.
Эрдэнэт Майнерс баг энэ улирлын плэйоффт 8-0 амжилттай хожигдолгүй яваа бол , харин Тэнүүн Өлзий Металл баг 8-3 амжилттай байгаа.
Хоёр багийн цувралын эхний тоглолт дөрөвдүгээр сарын 10-нд буюу өнөөдөр үдшийн 20:40 цагт болно.
