Боловсрол, шинжлэх ухааны яамнаас БЗС-аас гадаадын шилдэг их, дээд сургуулиудад зээлээр суралцаад түүнийгээ төлөөгүй 230 хүний нэрийг зарласан билээ. Уг нэрсийг зарласнаас хойш зээлийн эргэн төлөлт идэвхжиж, 250 гаруй сая төгрөг төлөгдсөнийг салбарын сайд онцлов.
Зээлээ эргэн төлөхгүй байгаа хүмүүсийг шүүж үзвэл, 2020 оны УИХ-ын сонгуульд Монголын Ногоон намаас нэр дэвшсэн Ц.Эрдэнэчулуун байх аж. Тэрээр БЗС-ийн зээлээр Пенсильваны Их сургуульд бизнесийн удирдлагын чиглэлээр хоёр жил суралцжээ. Түүний одоо төлөх төлбөр нь 51 мянган ам.доллар юм. Зээлээр сурснаас хойш 20 жилийн хугацаанд төлөөгүй тэрээр 2020 оны УИХ-ын сонгуульд оролцохдоо нийт 236 сая төгрөг зарцуулсан гэж аудитад мэдээлжээ. Энэхүү 236 сая төгрөгийг хэрхэн бүрдүүлсэн задаргааг харвал өөрөөсөө 197 сая төгрөг, иргэний хандиваас 34 сая төгрөг, ААН-ийн хандиваас 15 сая төгрөг босгосон талаар аудитын тайланд дурдсан байна.
Түүний өөрөөсөө гаргасан 197 сая төгрөг нь одоогийн долларын ханшаар 56 мянган ам.доллар болж байгаа юм.