Хар тамхины сүлжээний эзэн Пабло Эскобар 1993 онд бусдын гарт амиа алдахаас өмнө 1 эр, 3 эм усны үхрийг өөрийн эдлэнд тэжээдэг байсан билээ.
Гэвч түүний нас барсны дараа усны үхрүүд эрчимтэйгээр үржих болсон бөгөөд саяхныг хүрэхэд тэдний тоо толгой 150-ийг шүргэх болсон байна. Улмаар эрчимтэй үржиж буй усны үхрүүдийн ялгаруулах шингэн хийгээд ялгадас нь хүрээлэн буй орчныг бохирдуулах эрсдэлтэй болсноос гадна, усны үхрүүд Колумбын уугуул далайн үхрүүд хийгээд капибарын тоо толгойд заналхийлэх болжээ.
Тиймээс тус улсын засгийн газраас 3.5 сая ам.доллар төсөвлөн 70 усны үхрийг нүүлгэн шилжүүлэх болсон байна. Тийнхүү усны үхрүүдийн 10 нь Мексик улсад нутагших бол 60 нь Энэтхэг улсад нутагших гэнэ.
Эх сурвалж: NY Post
