Япон улсын хүн амын насжилт эрчимтэй хөгширч байгаагаас үүдэн 2040 он гэхэд тус улс 11 сая ажиллах хүчний дутагдалд орно гэсэн тооцоо гарчээ.
Судалгаагаар Япон улсын хөдөлмөрийн насны хүн амын тоо 2027 оноос эхлэн эрчимтэй буурах бөгөөд 2040 он гэхэд Япон улсын ажиллах хүч 2022 онтой харьцуулахад 12 хувиар буурсан байх гэнэ. Харин ажиллах хүчний дутагдал аль, аль салбарыг хамрахыг тооцоход тээвэр, барилга хийгээд эрүүл мэндийн салбар түрүүнд жагсжээ.
Тулгараад буй асуудлын хүрээнд Япон улсын ерөнхий сайд Фумио Кишида төрөлтийг нэмэгдүүлэхийг засгийн газрынхаа тэргүүлэх чиглэл болгоод байгаа юм.
Гэвч судалгааг ахалсан судлаач Фуруя Шотогийн хэлснээр цагаачлалыг дэмжих нь урт хугацааны шийдэл биш гэсэн байна.
Эх сурвалж: The Japan Times
