Туркийн Анталья хотод болж буй жүдогийн "Их Дуулга" тэмцээний хоёр дахь өдөр буюу өчигдөр "Токио-2020" олимпийн хүрэл медальт, "Ташкент-2022" дэлхийн аварга, Монгол Улсын гавьяат тамирчин Цэнд-Очирын Цогтбаатар мөнгөн медалийн эзэн боллоо. Тэрбээр үдээс өмнө Францын Орландо Казорла, Гүржийн Лука Капаназе, Азербайжаны Нурлан Османов, Германы Игор Вандтке нарыг тус тус ялсан бөгөөд финалд 2021 оны ДАШТ-ий мөнгөн медальт Италийн Мануэль Ломбардотой барилдах үед толгой дээр зоогдож эргэсэн гэж үзэж хансөкү макэгээр харамсалтай ялагдлаа.Цогоо өнгөрсөн жилийн Ташкентэд дэлхийн аварга болсноос хойш анхны подиумдаа Антальяд зогссон төдийгүй энэ нь түүний "Их Дуулга"-ын замналын 13 дахь медаль (4 алт, 4 мөнгө, 5 хүрэл) болж байна.
Эх сурвалж: MGLsport.com
