3х3 сагсан бөмбөгийн Азийн аварга шалгаруулах тэмцээн Сингапур улсад болж байна. 3х3 сагсан бөмбөгийн ААШТ-д Монголын эрэгтэй баг эхний хожлоо авлаа. Манай баг "А" хэсгийн эхний тоглолтоо Тайваньтай хийж 21:19-өөр буулган авсан юм. Тайваний эсрэг А.Ананд 10, Д.Дэлгэрням 8 оноо авчээ.
Эхний тоглолтдоо Тайванийг 21:19-өөр хожсон Монголын эрэгтэйчүүдийн шигшээ баг хоёр дахь тоглолтоо зохион байгуулагч орон Сингапурын багтай хийж 22:9-өөр буулган авч "А" хэсгийг 2 хожилтой тэргүүлж шөвгийн наймд шалгараад байна.
Ингэснээр манай эрэгтэй баг шөвгийн наймд Казахстаны шигшээ багтай тоглоно.