Александр Лукашенко хүү Николай Лукашенкогийн хамт
Беларусийн Ерөнхийлөгч Александр Лукашенко гуравдугаар сарын 31-нд ард түмэн, парламентад хандсан илгээлтдээ түүний хүүхдүүдээс хэн нэг нь ерөнхийлөгчийн албыг залгамжлахгүй гэж мэдэгджээ.
“Удам залгамжлал, залгамж чанар гэсэн яриагаа болих хэрэгтэй, миний хүүхдүүдээс хэн нэг нь Ерөнхийлөгч болохгүй. Та бүхэн үүнийг санаж байх ёстой, бас энэ сэдвээр ярих хэрэггүй "гэж тэр хэлэв.
Лукашенко мөн "Ерөнхийлөгч хэн болохыг та бүхэн өөрөө шийднэ" гэж хэлсэн тухай тус улсын БЕЛТА агентлаг мэдээлэв.
"Би энэ албан тушаалд ажиллах сүүлийн өдрөө хүртэл эх орныхоо сайн сайхны төлөө зүтгэнэ, хэзээ ч доголон нугас болохгүй" гэж тэр хэлжээ.
Беларусийн ерөнхийлөгч хэдийгээр түүний цаг үе дуусч байгаа ч гэсэн эрх мэдлээ үргэлжлүүлэн хэрэгжүүлэхийн тулд өөртөө зориулж улсынхаа Үндсэн хуулийг өөрчлөхгүй гэж мэдэгджээ.
“Би та бүхэнд хэлье. Өнөөгийн Үндсэн хуулийг Лукашенко өөртөө зориулж хийсэн гэж олон хүн ярьдаг. Уучлаарай, би үүнийг хийгээгүй. Миний үе дуусч байна, би өөртөө зориулж Үндсэн хуульд ямар ч нэмэлт өөрчлөлт хийхгүй” гэж Лукашенко хэлжээ.
Беларусийн Ерөнхийлөгч "Би төрийн тэргүүний албан тушаалаас зууралдаад байдаггүй. Гэхдээ одоогийн нөхцөлд улс орон, ард түмний ирээдүй, эрх ашгийг бодох нь чухал байна. Лукашенког зайлуулахсан гэсэн хүсэл бодолтой олон хүн хилийн чанадад байдгийг би мэднэ. Тиймээс тэдний хүсэл зоригийн эсрэг харин ч Ерөнхийлөгчийн албаа үргэжлүүлэн хаших хэрэгцээ шаардлага байгаа юм" гэж ерөнхийлөгч онцлов.
Эх сурвалж: Сentralasia media
