Тавантолгой-Гашуунсухайт чиглэлийн төмөр замын хашааны ажил дуусаагүй байхад ПК 180 орчимд буюу Ханбогд сумын Жавхлант багийн нутаг дэвсгэрт эхнээсээ буюу тавдугаар сарын 6-ны өдөр зэрлэг амьтад үхээд эхэлсэн байна. Учир нь :Тор нь өргөстэй мөн дээрээс нь бараг харагдахгүй учраас зэрлэг амьтад 2 шонгийн голоор хурдтай давхиж гарах үедээ торонд орооцолдож, улмаар шархадах, үхэх аюултай тулгарч байна. Олон улсад бүртгэлтэй нэн ховордсон амьтдад хэрцгий хандаж стандартаа мөрдөхгүй өргөст тор тавьж буйг Зам тээврийн яам нүдээ аниад өнгөрөөж болохгүй.
Монгол улсын Засгийн газар ч стандарт мөрдөхгүй дураараа ажиллаж буй ЗТХЯ-ны албан тушаалтнуудад хариуцлага тооцно уу‼ БОАЖЯ, Экологийн цагдаагийн албанаас хамтарсан ажлын хэсэг гаргаж, амьтадын нүүдэл, хөдөлгөөн, бэлчээрлэх зэргийг судалж дэлхийн жишгээр ажиллах нь зүй ёсны хэрэг. Мөнгө олохын тулд онгон байгаль, зэрлэг амьтан, гол усаа сүйтгээд байж болохгүй билээ. Энэ зураг дээр харагдаж буй үхсэн хулангаас 10-аад метр зайд бас нэг хулан орооцолдож арьс үсээ зулгалаад нэлээд цус гоожуулж азаар салаад явсан ул мөр үлдсэн байна. Хаа нэг газар очиж амь үрэгдсэн ч байж магад. Нэг хулангийн байгаль, экологийн үнэлгээ хэд вэ???Төмөр торон хашаа шийдэл биш гэдгийг амьтад амиараа батлаад байна. ‼СТАНДАРТАА МӨРД ‼ХАШААГАА ЗОГСОО. ‼Байгальд ээлгүй торон хашаа барих ажлыг зогсоож дэлхийн стандартгыг мөрдөж ажил үүргээ гүйцэтгэхийг ЗТХЯ-наас шаардаж байна.
Зам дагаж хөгжил биш сүйрэл ирдэг байж болохгүй. Хээрийн салхинаас бусдыг нуруундаа гаргаж үзээгүй говийн онгон зэрлэг хулангийн хувь заяа дээсэн дөрөөн дээр байна.
