Өвөрхангай аймгийн Тарагт сумын дөрөвдүгээр багийн нутаг “Бэрх” гэх газар тавдугаар сарын 05-ны өдөр Хятад улсын иргэн “Ж” нь Toyota Grand маркийн автомашиныг жолоодож явахдаа зам тээврийн осол гаргажээ.
Уг ослын улмаас зорчигч эмэгтэй амь насаараа хохирсон бол жолооч биедээ гэмтжээ. Эх сурвалжийн мэдээлж буйгаар уг машины жолооч нь хятад иргэн бөгөөд Өвөрхангай аймгийн Хүйтний хөндий-Арвайхээр чиглэлийн 57.56 километр замын засварын ажлыг хийж буй компанийн удирдах албан тушаалтан ажээ.
Харин нас барсан эмэгтэй түүний орчуулагч юм байна. Ослын нөхцөл байдлыг дүгнэлтээс уг жолооч тээврийн хэрэгсэл жолоодох эрхгүй, замын нөхцөл байдалд хурд тохируулаагүй, зогсоох арга хэмжээ авч чадаагүй, зорчигч болон жолооч хамгаалах бүс хэрэглээгүй байжээ.
осол гаргасан машиныг жолоодож явсан хүн нь “Эйч Кэ би Интернэшнл холдинг” ХХК-ийн жирийн нэгэн ажилтан бус, удирдах албан тушаалтан буюу хувь нийлүүлэгч нь байсан аж.
Хятад улсын иргэн тэрбээр тухайн ослыг гаргах үедээ тус компанид жолооч хийдэг ажилтныхаа хувийн машиныг зөвшөөрөлгүй авч явсан байна. Машин барьж явахдаа хурд хэтрүүлсэн байж болзошгүй байгаа бөгөөд ослын улмаас орчуулагч эмэгтэй газар дээрээ нас баржээ.Нас барсан Монгол эмэгтэй хоёр хүүхэдтэй өрх толгойлсон ээж байсан бөгөөд 14-хөн настай бяцхан охин нь харж харгалзах хүнгүй өнчрөн үлдсэн байна.
Нас барснаас нь хойш бүхэл бүтэн 4 хоног өнгөрчихөөд байхад “Эйч Кэ би Интернэшнл холдинг” ХХК-ийн зүгээс үр хүүхэд, төрөл төрөгсөдтэй нь одоо хүртэл холбоо бариагүй байсаар байна.
Мөн осол 5-р сарын 5-ны өглөөний 06:00 цагт гарсан байтал ослын талаарх мэдээллийг ар гэрт нь мэдэгдээгүй ба тухайн өдрийн 14 цаг 30 минутад тус компанид ажилладаг Монгол ажилтнууд дам сураг сонсож гэр бүлийнхэнд нь мэдэгджээ.• Хятад улсын иргэн Х нь Монгол Улсын замын хөдөлгөөний дүрмийг үзэж, уншиж байгаагүй саяхан манай улсад ирсэн хүн шууд тээврийн хэрэгсэл жолоодох эрхтэй юу??? • Тээврийн хэрэгсэл жолоодох эрхгүйгээр бусдын эд хөрөнгийг /автомашин/ зөвшөөрөлгүй авч, жолоодон замын хөдөлгөөнд оролцож зам тээврийн осол гаргаж, хүний амь эрсдүүлчихсэн хятад иргэн өнөөдөр эмнэлэгт асруулаад хэвтэх нь зөв үү???• Удирдах албан тушаалтан нь орчуулга хий гэж дуудсан бол орчуулагчид татгалзах шалтгаан, эрх байхгүй учраас хохирогч эмэгтэй дуудсан цагт нь явж байсан.• “Эйч Кэ би Интернэшнл холдинг” ХХК нь Монголд олон тендер авч зам тавьж байгаа хэр нь яагаад өдий болтол Хөдөлмөрийн аюулгүй байдлын аливаа дүрэм, стандартыг мөрдөж хэвшээгүй вэ???• Жан Ван Жун хэмээх Хятад захиралтай “Эйч Кэ би Интернэшнл холдинг” ХХК нь замын тендэр бүрийг авдаг хэр нь өөрийн эзэмшлийн тоног төхөөрөмж, машин техникгүй, түрээсийн, бүрэн бус тээврийн хэрэгслээр яагаад ажилтнуудаа тээвэрлэж байсан бэ???• ХАБ-ыг /Хөдөлмөрийн аюулгүй байдал/ хариуцах ёстой инженер нь яагаад ажлаа хийсэнгүй вэ???• Ажилтан нь амь насаа алдаж, ар гэрт нь гашуун зовлон тохиолдож, 14 настай бяцхан охин нь харгалзах хүнгүй өнчирч үлдэж байхад яагаад нэг ч удаа холбогдож эмгэнэл илэрхийлэхгүй байна вэ???• Өнгөрсөн жил бас дутуу барьсан замаас нь бол нэг хүн амь насаа алдсан ч дарагдаж өнгөрсөн тухай нутгийн иргэд одоо ч ярьж байна.Гэтэл саяхан энэ замын тухай асуудал хөндөгдөхөд аймгийн Засаг дарга А.Ишдорж тайлбар өгөхдөө: “Маш хариуцлагатай компани ажиллаж байгааг онцлоод түр замаа ч бас стандартын дагуу тавьдаг, аймгийн холбогдох байгууллагууд болон ICT хэмээх хөндлөнгийн хяналтын байгууллага хүртэл хянаж байгаа тул итгэлтэй байж болно” гэж байсан.Үнэхээр зам дээр байнга найман инженер ажиллаж, аюулгүй байдлыг хангаж, хяналт тавьж байгаа бол гүйцэтгэгч байгууллагынх нь удирдлага бүрэн бус тээврийн хэрэгслийг дураараа, жолоодох эрхгүйгээр жолоодож яваад ажилтнаа “алах” уу??? • Өглөө 6 цагт зам тээврийн осол гарч, хүний амь эрсэдсэн байхад гэр бүлд нь ямар ч мэдээлэл өгдөггүй яачихсан “цахим үндэстэн” бэ???“Эйч Кэ би интернэшнл холдинг” ХХК нь Монгол ажилтныхаа нас барсан мэдээллийг нуун дарагдуулахаар завдаж байна уу??? Харамсалтайгаар амь насаа алдсан, орчуулагч эмэгтэйг маргааш сүүлчийн замд нь үднэ гэсэн. Хоёр хүүхэдтэй түүний 14 настай балчир охин ээжийгээ эргэж ирэхгүй гэдэгт итгэж чадахгүй хүлээж сууна. 80 гарсан настай эцэг эх нь элгээ эмтэлж, өрөө өмөлж, харамсаж сууна.Машин хулгайлж, тээврийн хэрэгсэл жолоодох эрхгүйгээр жолоо барьж, осол гаргаж, Монгол эмэгтэйн аминд хүрсэн Хятад улсын иргэн ямар хариуцлага хүлээх вэ???Хятад компаний тавьж буй чанаргүй замын асуудлыг энэ удаа түр орхие. Түр шүү...
Түүнээс илүү Монгол хүний амь нас Монголчууд бидэнд хайран байна.
