Бүгд найрамдах намын дарга, Буян компанийн захирал Б.Жаргалсайхан өөрийн цахим хуудсандаа "Энэ шоуны шүүгч нарыг огт ойлгохгүй юм. Нэг оролцогч гараад дуулаад дуусангуут "Ямар агуу юм бэ, жаргал эдлүүллээ. Үнэхээр андуурлаа" гэцгээнэ. Бүр дуу алдаад л магтах гэж "алж" өгнө. Тэгсэн хэрнээ оноо өгөх үедээ магтаад байсан оролцогч, жаргал эдлүүлэгчдээ хамгийн бага оноо өгч байх жишээтэй. Худлаа магтах хууран мэхлэхтэй адил. Алдаа оноог нь хэлээд явчихгүй хий хоосон гоё үгээр зулгуйдах мэт магтсан нь таалагдсангүй. Шүүгч нарыг худлаа магтах бүрт суваг сольж үзэх юм. Цаашдаа уралдаан тэмцээний шүүгч нар шударга хандаж байгаасай, хий хоосон мөрөөдөл төрүүлэх, магтах нь залуусын явдал мөрт халтай. Гэхдээ хүн бүрийн харах өнцөг өөр өөр байх даа." хэмээн өөрийн хамтрагч, "Шар айраг" хамтлагын Г.Ганхүүгийн шүүгч хийдэг "Яг түүн шиг" шоуг шүүмжилжээ.
