Бүгд найрамдах намын дарга, Буян компанийн захирал Б.Жаргалсайхан өөрийн цахим хуудсандаа. "Монгол Улс аялал жуулчлалаар мөнгө олъё гэж төлөвлөж байгаа бол үүд хаалгаа цэлийтэл нээх хэрэгтэй. Тэр утгаараа солонгосчуудад гурван сараар визгүй зорчих зөвшөөрөл олгосон нь аялал жуулчлалын зөв эхлэл болох болов уу.
Солонгост 150 мянган залуус ажиллаж амьдарч учраас тэд жуулчдад юу үзэх, хэнийд очих, хаагуур явахыг нь заагаад өгөх биз. Үүнээс гадна дэлхийн номер нэг жуулчид бол урд хөрш юм. Бас тэгээд хамгийн өлөн жуулчид л даа. Жилдээ 700 сая хятадууд аялаж дэлхийн брэндэд хамаг мөнгө төгрөгөө цацаж байдаг. (Ихэнх барууны орны жуулчид залхуу болоод гэртээ байх, төлөвлөсөн гоц гойд газар очих хандлагатай болжээ) Яагаад бид хятадууд нүүрснээс өөр зүйл зарж болохгүй гэж. Тухайлбал Монгол махыг идэхийн хүслэн байдаг улс.
Нэг хонийг арьстай нь хуйхлаад өгөхөд сая төгрөг шүү дээ. Хятадуудад 3,5,10 хоногоор визгүй оруулж говиор хэсүүлэн хоослоод буцаах хэрэгтэй. Монголчууд Итгэлт хамбад мөргөнө гээд гурав хоногийн дотор шувтлуулаад ирдэг биз. Түүнтэй ялгаагүй. Оросууд хэсэх газаргүй шахам болсон тул удахгүй Улаанбаатараар дүүрнэ. Ирэх намар оросуудад Эрээний бараа аваачиж зарна монголчууд. Аялал жуулчлалд иймэрхүү санаа байна. Харин монгол хүүхнүүд харийнханд биеэ үнэлэх эсэх нь тэдний ухамсарын асуудал учир мань руугаа дайрах нь илүүц юм. Аялал жуулчлал хамгийн цэвэрхэн зардал багатай бизнес л дээ уг нь..." хэмээн өөрийн саналыг бичжээ.