УИХ-ын гишүүн Т.Аюурсайхан, Д.Бат-Эрдэнэ, Н.Наранбаатар нарын бүрэн эрхийг түдгэлзүүлэх саналыг УПЕГ-аас өнгөрөгч баасан гараг /2023.03.24/-т УИХ-ын дарга Г.Занданшатарт хүргүүлсэн.
Улсын ерөнхий прокуророос ирсэн саналыг УИХ ажлын тав хоногийн дотор хэлэлцэх хуулийн зохицуулалттай. Өөрөөр хэлбэл ирэх долоо хоногийн пүрэв гарагт /2023.03.30/ УИХ-ын чуулганы нэгдсэн хуралдаанаар дээрх нэр бүхий гишүүдийн бүрэн эрхийг түдгэлзүүлэх прокурорын саналыг хэлэлцэх юм.
Тэгвэл УИХ-ын гишүүн, "Ажнай" Д.Бат-Эрдэнэ гишүүний бүрэн эрхээс нь түдгэлзүүлэх прокурорын саналыг дэмжүүлэхгүйн тулд гишүүдэд нөлөөлөх ажлыг хийж эхэлжээ. Тодотговол, тэрбээр УИХ-ын гишүүдэд өөрийг нь түдгэлзүүлэхийн эсрэг санал өгүүлэхийн тулд гишүүдэд нэг, нэг тэрбум төгрөг тарааж байгаа гэх мэдээлэл байна. Энэ талаар ч парламентын гишүүдийн дунд яригдаж эхэлсэн байна.
Магадгүй "Ажнай" Д.Бат-Эрдэнээс тэрбум төгрөг авсан УИХ-ын гишүүд ирэх долоо хоногт болох чуулганаар прокурорын саналын эсрэг кноп дарах бололтой.
Эх сурвалж: Isee.mn