АНУ-ын Төрийн нарийн бичгийн дарга Энтони Блинкен хэлэхдээ АНУ-д өргөнөөр хэрэглэгддэг богино хэмжээний видео контент хуваалцах зорилго бүхий Хятадын TikTok платформ нь АНУ-ын аюулгүй байдалд заналхийлж байна хэмээн мэдэгджээ.
Орон нутгийн цагаар 23-ны өдөр Төлөөлөгчдийн танхимын гадаад харилцааны хорооны зүгээс ТikTok нь АНУ-ын аюулгүй байдалд заналхийлж байгаа эсэхийг түүнээс асуухад дээрх байдлаар хариу өгсөн байна.
Үүний зэрэгцээ АНУ-ын Төрийн департамент өнгөрсөн оны долдугаар сараас эхлэн Төрийн департаментын ажилтнууд, тэр дундаа ЭСЯ-ны гэрээт гүйцэтгэгчид болон гуравдагч этгээдийн борлуулагчдад уг платформыг ашиглахыг хориглох болсноо мэдэгдсэн билээ.
Эх сурвалж: MBC
