Энэ сарын 12-ы өдөр Малайз улсын Куала Лампурт “Yong Jun KL Speedcubing 2023” рубик шоо эвлүүлэх тэмцээний хагас финал зохион байгуулагджээ. Тус тэмцээний үеэр Хятадын тамирчин Ван Йхен 3х3х3 рубик шоог дунджаар 4.69 секундэд эвлүүлж, Гиннесийн амжилтын эзэн болсон байна.
Өдгөө 9 настай түүний хувьд рубик шоог нийт 5 удаа буюу 4.35, 3.90, 4.41, 5.31, 6.16 секундэд тус тус эвлүүлснээр дундаж амжилт нь 4.69 секундээр бүртгэгдсэн юм. Тодруулбал, Дэлхийн Рубик шооны Холбооны дүрмийн дагуу оролцогчийн хамгийн хурдан болон хамгийн удаан эвлүүлсэн хоёр хугацааг дундажладаг.
Түүнчлэн Ван Йхен 3х3х3 рубик шоог 3.90 секундэд эвлүүлснээр тус шоог нэг удаагийн оролдлогоор эвлүүлсэн хурдаараа дэлхийд тавдугаарт бичигдэх болсон байна.
Эх сурвалж: Guinness World Records
