Цагийн хуваарьт шилжилт хийх, эсэх асуудлаар ЗГХЭГ-аас яамдаас санал авч байгаа тухай хэрэг эрхлэхийг дарга Д.Амарбаясгалан цахим хуудсандаа хоёр цагийн өмнө бичсэн байна.
Тэрбээр “Зуны цагийн хуваарьт шилжих эсэх талаар яамдаас санал авч байна.
Урт өвлийн улиралтай улсад нар мандах, шингэх цагийг харгалзан цагаа хөдөлгөж байх нь хөдөлмөрийн бүтээмж, Эрчим хүчний хэмнэлт, ЭЗ-ийн ач холбогдолтой гэж эрдэмтэд үздэг. Хичээлийн амралт эхлэхтэй уялдуулан хөдөлгөвөл гэдэг үүднээс санал авч байна” гэжээ.
Энэхүү асуудалтай холбоотойгоор цахим хуудсанд иргэд аль хэдийн өөр өөрийн санаа, бодлоо бичээд эхэлсэн байна.
ШӨХТГ-ын дарга асан С.Мөнхчулуун зуны цагийн хуваарь шилжих нь зөв гэсэн байр суурийг илэрхийлжээ. Тэрбээр “Цагийг өвөл зуны хуваарьт шилжүүлэх, эсхүл ажил эхлэх цагийг өвөл зуны цагийн хуваарьт шилжүүлдэг болбол байгалийн гэрлийг ашиглаад маш их эдийн засгийн хэмнэлт хийх боломжтой байгаа юм. Тухайлбал барилга, замын ажлууд өглөөнөөс эхлээд орой 21-22 цаг хүртэл гэрэл тавихгүй, албан байгууллагууд 17-18 цагт тарах хүртлээ гэрэл асаах шаардлагагүй болно. Зарим нэг хүмүүс өвөл зуны хуваарьт шилжих нь эрүүл мэндэд сөрөг нөлөөтэй гэх талаас ярьж харагддаг. Гэвч 1 цагийн өмнө, хойно бослоо гээд эрүүл мэндэд нөлөөлдөг гэсэн бодит судалгаа байхгүй. Жил бүр өвөл зуны цагийн хуваарьт шилждэг Германчуудын дундаж наслалт эр 78,6, эм 83,4 бол шилждэггүй Монголчуудынх эр 67,5, эм 77,0 байдаг юм билээ. Тэгээд ч дэлхий ээж өөрөө биднийг дулааны улиралд эрт босож эрт ажилла, хүйтний улиралд жаахан унтаж амраг гэж зохицуулаад нараа нааш цааш болгоод байна шд” гэжээ.
Харин түүний энэхүү пост доор иргэд дараах байдлаар байр сууриа илэрхийлсэн байна. Түүвэрлэн хүргэв.
Цэвэлдулам Готов
Хойшлуулах билүү урагшлуулах билүү гэж толгой эргүүлж байхаар өвөл өглөө 9 өөс орж орой 6 д тарна зун өглөө 8 аас орж 5 д тарна гээд л явчихвал яасан юм.
Цагаа урагшлуулж хойшлуулснаар цагийнхаа сайн муугаар зохицуулах ажил дээр хүмүүсийн толгой эргэх нь ч бий шүү лээ.
Burenjargal Rentsendavaa
Эдийн засгаас урьтаж иргэдийн тэр тусмаа настан балчируудын эрүүл мэндийг бодох. Тэд асар их ядарч, дархлаа нь унаж их удаан өвддөг. Эрүүл л байвал гэдэг ухаан үүнд оршино
FANCY SHOP
Өглөө ээлжтэй сургуулийн бага балчир хүүхдүүд болон цэцэрлэгийн хүүхдүүдэд их хэцүү бдаг шүү дээ шаал дэмий юм бдаг бж билээ ашгүй болисоноос хойш амар болсоншд өөр хэрэгтэй ажил санаачилж ажилах хэрэгтэй цаг хугацаагаар оролдоод яахавдээ цаг хугацаа биднийг яаж ч өөрчилсөн хүлээхгүйгээс хойшдоо.
Chuluunbat Anhtuya
Буруу насанд хүрэгчид ч яах вэ дасчихдаг бага насны хүүхдүүдэд хэчнээн хүнд гээч үнэн хямраадаг өглөө 1 цагийн өмнө босож цэцэрлэгт ирэхдээ унтаагаараа эсвэл бөөн уйлаан, хямарсан хүүхдүүд эцэг эх байдаг шүү Хэмнэлт хийж хүүхдүүдийн эрүүл мэндийг хохироомооргүй байна Анхаарна уу
Enkhee Na
Chuluunbat Anhtuya бид хүүхэд байхдаа цаг урагшлуулж хойшлууллаа гээд эрүүл мэндээр хохирч байгаагүй. Нар сараа дагаж цагаа урагшлуулж хойшлуулж амьдарсан дээр. Соц үед ингэлээ гээд хүмүүс өвчлөөд өвчний үүр болж байгаагүй.чийрэг эрүүл байсан. Харин цаг урагшлуулж хойшлуулахаа болиод залхуу болоод өвчний үүрүүд болсон байх юм. Байгальд ч эдийн засагт ч ээлтэй. Гадаадад гэгээтэйд ажиллаад харанхуйд эрт унтаж гэрэл нь унтраастай байхыг харж эд сүрхий юмаа нар сараа дагадаг байгалиа хайрладаг эрт унтдаг ажил амьдралын зөв зохицуулалттай юм байна гэж бодож явж байлаа.20 хэдэн жилийн өмнө.
Бямбасүрэн Лхагва
яалтгүй 1 цаг гэдэг бол хямардаг. нойрны хувьд бол өөрчлөлт ордог. 1 цагийн өмнө унтаж чаддаггүй. Дэмий юм бодох юмаа.
Manjil Ulzii
Яам агентлагийн ажил эхлэх цагаас Нийслэлийн нутгийн захиргааны байгууллагын ажил эхлэх цаг өөр байгааг бас зохицуулмаар байгаа юм да. Төрийн байгууллага өглөө 7-д ажлаа эхэлсэн ч болж байна.
Badmaa Ono
Өдөрт 8цагийн нойр бүтэн авч байж, хүн өдрийн АЧААЛАЛ-г даадаг нь ҮНЭН.
Бага нойртой хүмүүс бол ЦӨӨХӨН тал даа?
Эрт босьё гэвэл орой 21цаг гэхэд хот маань анир чимээгүй, нам гүм болж, УНТАХ хэрэгтэй болно?
Тэгээд л нар гаруут л бужигхаж эхлэж болно?
Зун нь 5цаг?
Өвөл нь 7цаг?
Яг нарны цагаар?
Өнөөгийн ядууралтай нийгэмд…хоолоо хасаж, мах гурилханаар ихэнхдээ хооллодог ард түмэнд нойрыг нь багасгавал өвчлөл , нас баралт мэдээж ихэснэ.
Ажлын байран дээрээ гэртээ бэлдсэн хоолоо авч очоод ХАЛААГААД тухтайхан хооллодог орчин, нөхцөлгүй?Халаах шүүгээтэй, гал тогооны булантай албан газар ч ЦӨӨН ?
Зарим 1 миний мэдэх оронд бол гэрээсээ хоол авчирч иддэг СОЁЛ үүсчихсэн бх жишээтэй.
Мөнгөө ч хэмнэнэ, эрүүл мэндээ ч хамгаална?
Хоолноосоо эрдэс тэжээлээ ч авчихаар?
Гэтэл…биед хэрэгтэй хоол хүнсээ бэлдээд ажилдаа авч явах нь битгий хэл, гэртээ олигтой хүнс хэрэглэж чадахгүй нь ИХЭНХ?
Өдрийн цагаар ХУУШУУР мэтээр гол зогоох?
Эсвэл боов боорцогхон мэрж бгаад гэртээ сульдаж орж ирэх хүмүүс олон бий шүү ?
Үнэхээр ХООЛОЛТ-н асуудал ?хүнсний аюул нүүрлэчихсэн?
Сэтгэл маш их өвдмөөр ???
Төрийнхөн МАШ сайн СУДАЛГАА хийх хэрэгтэй ?
…хүчээр ЗОХИЦУУЛАЛТ хийх гэвэл ?
Эсрэгээр ЭРСДЭЛ нь их бууж магадгүй л бх?
Эрт ажиллах боломжтой үйлчилгээний ( кофе шоп, цайны газар, өөр юу юу бна?…?)
Хувийн хэвшлийнхэн харин …ажиллаад үзэх хэрэгтэй?
Ажиллагсадаа харин ээлжээр цагаар ажиллуулавал?
Манай хувийн хэвшлийнхэн ер нь бага цалингаар үйлийг нь үзтэл их ажиллуулах гээд бдаг талтай?
Монгол улсад хүн амьдрахад маш ТААГҮЙ ээлгүй улс болчихсон?
Их ажиллаж , бага цалин авна.
Системээрээ гажуудчихсан?
Төр нь удирдаад л бна гээд бна…сайжраад бгаа юм харагдахгүй?
Хөдөлмөрийн чадвартай залуус нь гадагшаа зугатсаар???
Энэ нийгэмд тэсэж үлдэнэ гэдэг тун ХЭЦҮҮ болчихсон?
Төрд ажиллагсад нь энэ СИСТЕМ -г боловсронгүй болгох ҮҮРЭГ хүлээсэн ч…
Хэзээ ч сайжрах юм бүү мэд
Халагласаар …
П. Ариунзориг
Зуны цагт томоохон зах, худалдааны төвүүд өглөө 6цагт нээхэд болохгүй юмгүй
Түгжирлээс өмнө барилгын материал болон өөр бусад зүйл авах гэхээр онгойдоггүй 10цагаас наашгүй ёстой тамтай
Жаргал Дарханбаяр
Энэ тэгээд Монголд тулгамдаад байгаа асуудлын нэг яг мөн үү , энэ зүйлийг хийлээ гээд утаа униар арилах уу, ард түмний эрүүл мэнд өвчин зовлон арилах уу, ард иргэдийн амьдрал эрс сайжирах уу, бид буруу хулгайчуудаар 30-жил төрөө удирдууллаа энэ байдлаараа үргэлжилэх юм бол бид улам л ядуу тарчиг болно, ер нь хатуухан хэлэхэд чимээгүй л мөхөх замдаа явж байгаа шүү!!!
Бэлтгэсэн Б.Ирээдүй