Наурызын баяр буюу Нарны баярыг угтсан хүчит бөхийн барилдаан өчигдөр Монгол бөхийн өргөөнд боллоо. Барилдаанд улс аймгийн алдар цолтой 128 бөх барилдснаас Улсын аварга П.Бүрэнтөгс түрүүлж, Улсын харцага Ц.Бямба-Отгон үзүүрлэсэн байна.
Харин өчигдрийн барилдаанд Баян-Өлгий аймгийн нэг ч бөх зодоглоогүй байна. Учир нь тэд аймгийн бөхийн холбооны тэргүүн, УИХ-ын гишүүн Т.Аубакирыг бойкотлож эсэргүүцсэн байна. Аймгийн "Өлгийн хүчтэн" дэвжээнийхэн тэргүүнээ ажлаа сайн хийхгүй байна хэмээн үзэж эсэргүүцэн өчигдөр барилдаагүй байна.
