Эрхэм сайдаа. Хүүхдийн өндөр, жин үзээд амны хөндийг ангайлгаж харчихаад 150.0мянга гэдэг арай үнэтэй биш үү. Ингэж мөнгө угаахгүй ээ САЙДАА!!! хэмээн Эрт илрүүлэгт хүүхдээ хамруулсан эцэг эхчүүд бухимдаж эхэлжээ. Монгол Улсын бүх иргэнийг халдварт болон халдварт бус өвчнөөс урьдчилан сэргийлэх эрт илрүүлэх үзлэг, шинжилгээ, оношилгоонд хамруулах ажил тавдугаар сарын 1-нээс орон даяар эхлэсэн билээ. Гэвч энэхүү арга хэмжээний талаар иргэд бухимдалтай байна.
Иргэд цахим хуудсандаа "За болио боль. ЭМЯ үнэн инээдтэй ичиж үхмээр юм. Эрт илрүүлэг гээд сүржин нэрлээд л 1 хүүхдийн ЭМД ын сангаас гарах төсөв 150 мянга гээд байсан. Хүүхдийн өндөр,жин үзээд, цээж чагнаад, шүдийг нь хараад л 150,000. Мөнгө угаах өөр арга олдохгүй байна уу та нарт.
Нэгэнт улс даяар өрнүүлж байгаа аян байж дорвитойхон шиг эцэг эхчүүд тэр бүр хүүхдээ үзүүлж чаддаггүй, боломж нь олддоггүй томограф ч юм уу, үгүй ядаж шээс цусны дэлгэрэнгүй, эрдсийн шинжилгээ авчихлдаа. Тэгж байж л хүүхдүүдийн далд явагдаж байгаа янз янзын өвчнийг эрт илрүүлнэ биздээ. Тэрнээс хүүхдийнхээ өндөр жинг мэдэхгүй, шүдэнд нь анхаардаггүй ээж бараг байдаггүй шүү. Ард түмнээр тохуурхаж ханахгүй юмаа. Арайчдээ хэлэх ч үг алга. Эсэргүүцэж байна!!! Улсын эмнэлэг чинь чаддаггүй юм бол ЭМД ын сангаас 1 хүүхдэд төсөвлөсөн 150 мянгаараа хувийн эмнэлгүүдийг санхүүжүүлж нарийн шинжилгээнд хамруулж өгөөчээ!! Нэлээд хэдэн хэрэгтэй үзлэг шинжилгээ хийлгэчхээр мөнгө шүү дээ. ЭМЯ ны сайд дарга нар нь хартал шэйрлээд өг. Эрүүл Мэндийн Яам" хэмээн бухимдлаа илэрхийлжээ.
ЭМЯ-наас гаргасан багцад
5 хүртэлх насны даатгуулагчийн урьдчилан сэргийлэх, эрт илрүүлгийн багц
- Урьдчилан сэргийлэх, эрт илрүүлгийн зар түгээх,
- Эмнэл зүйн иж бүрэн үзлэг:
- Биеийн хэмжилт, өсөлтийн үнэлгээ, БЖИ
- Хөгжлийн үзүүлэлтүүдийн үнэлгээ.
- Сэтгэц, зан төрхийн үнэлгээ:
- Амны хөндийн эрүүл мэндийн үзлэг, зөвлөгөө:
- Дүгнэлт бичих
- Зөвлөгөө өгөх, шилжүүлэх
Бага насны хүүхэд 9, 18, 36, 48, 60 сартайд урьдчилан сэргийлэх, эрт илрүүлэгт хамрагдаж, багцад багтсан тусламж, үйлчилгээг бүрэн авсан байна.
Амны хөндийн эрүүл мэндийн тусламж үйлчилгээг 18 сартай (1.6 нас)-гаас эхлэн хүргэнэ.
Үзлэг, шинжилгээ зөвхөн өрх, сум, тосгоны эрүүл мэндийн төвд хийгдэнэ.
6-17 насны даатгуулагчийн урьдчилан сэргийлэх, эрт илрүүлгийн багц
- Урьдчилан сэргийлэх, эрт илрүүлгийн зар түгээх,
- Эмнэлзүйн үзлэг:
- Биеийн хэмжилт, БЖИ:
- Сэтгэц, зан төрхийн хөгжлийн үнэлгээ:
- Сүрьеэгийн эрсдэлийн үнэлгээ:
- Амны хөндийн эрүүл мэндийн үзлэг, зөвлөгөө:
- Дүгнэлт бичих
- Зөвлөгөө өгөх, шилжүүлэх
Сургуулийн насны хүүхэд энэ багцад багтсан тусламж, үйлчилгээнд жил бүр хамрагдана.
Үзлэг, шинжилгээ зөвхөн өрх, сум, тосгоны эрүүл мэндийн төвд хийгдэнэ. хэмээжээ.
