Өвөрхангай аймгийн Баян-Өндөр сумын харьяат, Монгол Улсын гавьяат дасгалжуулагч, улсын арслан Бандийн Ганбаатарын нэрэмжит, гэр бүлийн үүсгэн байгуулсан “Монгол зодог” ХХК-ийн 20 жилийн ойд зориулсан улс аймгийн алдар цолтой 256 бөхийн барилдаанд Өвөрхангай аймгийн Уянга сумын харьяат, “Алдар” СХ, “Эрдэнэсийн хотхон” ХХК, “Их Монголын хүчтэн” дэвжээний бөх, улсын харцага Хүрэл-Очирын Гантулга түрүүлж, Өвөрхангай аймгийн Баян-Өндөр сумын харьяат, “Алдар” СХ, “Бумбат зүрх” ХХК, “Их Монголын хүчтэн” дэвжээний бөх, аймгийн арслан Төрбатын Довчинсэмбээ үзүүрлэв.
Их шөвөгт Ховд аймгийн Зэрэг сумын харьяат, “Алдар” СХ, "Монтед" констракшн, “Империал Кастли” ХХК, “Ховд” дэвжээний бөх улсын харцага Б.Бат-Өлзий, Дорноговь аймгийн Айраг сумын харьяат, “Дорнын өртөө” ХХК, “ДГА АЗЗА” ХХК, “Ашид Билгүүн” ХХК, "Хутагтын Хүчтэн" дэвжээний бөх, аймгийн арслан М.Бямбадорж нар шалгарлаа. Дунд шөвгийн наймд улсын гарди М.Бадарч, улсын заан Б.Пүрэвсайхан, улсын харцага Б.Цэдэнсодном, аймгийн заан Ц.Бямба-Отгон нар үлдэв. Дараагийн барилдаан маргааш буюу тавдугаар сарын наймны Ням гарагийн 12:00 цагаас Булган аймгийн Тэшиг сумын харьяат, аймгийн хурц, бадрангуй, хичээлт, итгэлт, ерөөлт арслан Нямын Батчулууны нэрэмжит аймаг, цэргийн цолтой болон залуу 256 бөхийн барилдаан, Тавдугаар сарын 14-нд “Чойрын богд хайрханы хишиг” АЦЦБЗалуу 256 бөхийн барилдаан, Тавдугаар сарын 15-нд “Алтанжолоо” группийн нэрэмжит “Улсын арслан цолны хүндэтгэл”-ийн улс, аймгийн алдар цолтой 256 бөхийн барилдаанаар үргэлжилнэ.
МОНГОЛЫН ҮНДЭСНИЙ БӨХИЙН ХОЛБОО
