Хөвсгөл аймгийн Цагаан-Уул сумын төвийн 1.1 км хатуу хучилттай авто замын нээлтийн арга хэмжээ саяхан болжээ. Энэхүү арга хэмжээнд Хууль зүй, дотоод хэргийн сайд Х.Нямбаатар бага оврын онгоцтой очиж, оролцжээ. Түлхүүр гардуулах гэрээний нөхцөлтэй 1.1 км хатуу хучилттай авто замын ажил тавдугаар сарын 15-ны өдөр эхлэн ирэх арваннэгдүгээр сарын 30-ны өдөр дуусах гэнэ.
Төр засгаас хэмнэлтийн горимд шилжэхээ зарласан боловч Хууль зүйн сайд нь хамгийн түрүүн энэхүү бодлогыг зөрчсөөр байх уу? Х.Нямбаатар өнгөрсөн сард Шивээ хүрэн, Гашуунсухайт боомтод ажиллах үеэрээ мөн л нисдэг тэрэг хөлөглөн очсон цахим сүлжээнд тарж, олны дургүйцлийг хүргэсэн. Гэтэл энэ явдал дахин давтагдлаа.
