"Үнэн ба Зөв" намын дарга А.Отгонбаатар Төрийн ордныг тойрч гороолж, сунаж мөргөжээ.
Тэрбээр энэхүү үйлдлээ өөрийн цахим хуудсаар тайлбарлахдаа "Би өнөөдрөөс эхлээд Төрийн ордныг гороолж, мөргөе гэж шийдсэн юм. Төрийг удирдаж байгаа хүмүүст бүх эрх мэдэл байна. Тэмцэж дуугарсан хүнийг хорьж цагдаж байна. Тиймээс УИХ-ын гишүүдээс тогтолцоог өөрчилье, ард түмнээ бодооч гэж мөргөж гуйя" гэсэн байна.
Түүний сунаж мөргөж байгаа нь Үнэхээр ард түмнээ бодсон сэтгэл үү? Эсвэл ээлжит жүжиг нь үү? УИХ-ын гишүүдийн тоог 200 болгох нь зөв хэмээн үздэг А.Отгонбаатар Төрийн ордонд орж зөөлөн суудалд тухлахыг тун ч их хүсэж байгаа бололтй. Тэрээр өмнө нь "30 жилийн улс төрийн тогтолцоо өнөөдөр нурж байна. Энэ тогтолцоондоо манай ах нар хулгайгаа хаана нуух вэ, хаашаа гуйвуулах вэ гэдэг аргаа сурсан.
Пропорционал тогтолцоог нэвтрүүлбэл хамгийн чадварлаг аавын хөвгүүд төрийн ордонд орж, салхи сэвэлзэнэ.
УИХ-ын гишүүдийн тоог нэм. Тэдний дархан эрх, хангамжийг нь байхгүй болгомоор байна. Тэгвэл энэ бялуу руу дайрах хүнгүй болно. Ээж, аавыгаа дагуулсан эрхийн балайнууд УИХ-ын танхим руу гэтэж орж ирэхгүй. УИХ-ын гишүүдийн тоог 200 болгох нь зөв" хэмээн мэдэгдэж байсан билээ.
Зургийг Шог зураач Самандарын Цогтбаяр