Нийслэлийн Ардчилсан намын дарга Э.Бат-Үүл өчигдөр /2022.05.06/ мэдээлэл хийхдээ экс Ерөнхийлөгч Х.Баттулгын эсрэг жагсахаа илэрхийллээ. Тэрбээр Х.Баттулгыг Монгол Улсыг ээлжит Беларусь шиг болгох гэж байгаа хүн хэмээн ил тод мэдэгдсэн билээ. Тэрбээр "Монголоо Беларусь болгохыг эсэргүүцэн тэмцэцгээе. Путины Баттулгад тусгаар тогтнолоо алдахгүйн төлөө тэмцэцгээе. Монголчууд украинчууд шиг эрэлхэг ард түмэн гэдгийг путинчүүдэд харуулъя. Сүхбаатарын талбай дээрээ эрх чөлөөгөө хамгаалахаар тавдугаар сарын 11-нд цуглацгаая. Харь гүрний олигархиудын гар, хөл болсон олигархи Баттулгад сануулан цуглацгаая" хэмээсэн юм. Э.Бат-Үүл мэдэгдэхдээ энэ сарын 12 буюу ирэх Пүрэв гаригт “Монгол улсаа Беларусь шиг болгохгүй!” цуглаан зохион байгуулах юм байна.
Харин эсрэгээр Оросыг дэмжигчид маргааш буюу 5 сарын 8-ны Ням гаригт "Новороссия андууд нийгэмлэг" ТББ болон "Хөрш ОХУ-ыг дэмжигч Монголчуудын цахим нэгдэл"-ээс жагсаал зохион байгуулахаа мэдэгдэв.
Тэд “ӨНӨ МӨНХӨД ДУУРСАГДАХ ДАЙЧИН ХОРОО/БЕССМЕРТНЫЙ ПОЛК" дуут жагсаал хийн, маргааш өглөө 10.00 цагт Офицеруудын ордноос хөдөлж 11.00 цагт Жуковын талбайд очих аж. цааш нь “ДАЯН ДЭЛХИЙД ФАШИЗМ ХЭРЭГГҮЙ! БИД ЭНХИЙГ ХҮСНЭ” иргэдийн 2 дахь тайван жагсаал цуглаан 11.10-14.00 цагт Г.К.Жуковын нэрэмжит талбайд хийхээр болжээ. Гол зорилго нь
Зорилго нь : 1. Шинэ фашизм, неонацизмыг болон аливаа алан хядах ажиллагааг эрс эсэргүүцэх, өөрийн Ард иргэд рүүгээ зэвсэг хэрэглэхээ зогсоохыг Киевын эрх баригчдаас шаардах!
2. Монгол-Оросын Ард түмний уламжлалт, найрамдалт харилцааг бататган хадгалах, хөгжүүлэн бэхжүүлэх
3. Монгол улсын нутаг дэвсгэрт дотоод, гадаадын байгууллагуудаас мэдээллийн тэнцвэртэй байдлыг хангаж ажиллахыг болон Монгол улсын ҮАБ-ын Үзэл баримтлал, Мэдээлийн аюулгүй байдлын тухай хуулийн холбогдох зүйл заалтуудыг зөрчихгүй байхыг шаардах ! юм байх.
Монгол улс бол Төвийн сахигч орон. Хоёр том хөрштэй учраас. Орос - Украйны дайн эхэлсэнээс хойш манай монголчууд 2 хуваагдаад сошиалаар идэвхитэй байлдаж байна. Монголчууд хоорондоо Орос Украйны дайнаас болж хоорондоо "Нохойн зодоон" хийх нь хэнд хэрэгтэй, юунд ашигтай вэ?Нэг нэгнээ "Барууны тэжээвэр л гэнэ. Путины дүү нар" гэх мэтээр. Гэхдээ ямар улс үндэстнүүдийн хувьд өөрсдийн эрх ашиг гэж байдаг болохоос " Ах дүү амраг садан улс" гэж байхгүйг одоо явагдаж байгаа дайн харуулж байна.Америк олон ч улс түйвээсэн нөхдүүд. Үнэн. Гэхдээ манай улсын хувьд нүүгээд явчихгүй 2 хөрштэй учраас хоёр "Анд"-ыгаа эвтэйхэн аргалаад гуравдагч улсуудтай сайхан харилцаад явах нь өлзийтэй. Хүмүүсийн сэтгэгдэл уншихад "Муу янкууд имперлистүүд" гэж ирээд бичжээ. Хэрэвзээ Номхон далайн бүсэд АНУ БНСУ Канад Япон Австрали гээд том холбоо сүлбээ байхгүй бол хэн ДААМ гарах нь тодорхой.Тийм болохоор харааж зүхэхийн оронд тэднээс суралцая.Брежнев нэгэнтээ хэлжээ. Энэ Цэдэнбал товарищ коммунизмийн үйл хэрэгт үнэнч. Гэхдээ Улс орныхоо эрх ашгийг ямагт нэгдүгээрт тавьдаг гэсэн гэдэг. Үнэхээр том нүүдэл. Том ухаан шүү.
