Нийслэлийн Прокурорын газраас “Хөгжлийн банк”-ны хэрэгт холбогдуулан 80 хүн, 4 хуулийн этгээдэд холбогдох 493 хавтас эрүүгийн хэргийг 2023 оны 01 дүгээр сарын 13-ны өдөр Сүхбаатар дүүргийн Эрүүгийн хэргийн анхан шатны шүүхэд ирүүлсэн.
Энэхүү хэргийн гэм буруугийн шүүх хурал өнөөдөр /2023.03.02/ 9.00 цагт товлогдсон ч, 9.50 минутад Улаанбаатар чуулгын байранд эхэллээ
Хуралдаан эхлээд ирцийн асуудал яригдаж байна. Өөрийн биеэр хүрэлцэн ирээгүй УИХ-ын гишүүн Х.Ганхуяг шүүх хурлыг хойшлуулах хүсэлтээ гаргажээ. Тэрбээр Канад улсад албан айлчлалтай яваа гэх шалтгаанаар ийм хүсэлт ирүүлсэн аж.
Энэ тухай "Вертекс майнинг" ХХК-ийн өмнөөс шүүх хуралд оролцож буй түүний өмгөөлөгч "Хүндэтгэн үзэх шалтгаанаа нотлон хойшлуулах хүсэлтээ гаргасан. Иргэний хувиар хүсэлтийг нь дэмжиж байна" гэлээ.