УИХ-ын чуулганы хуралдаан үргэлжилж байна. УИХ-ын чуулганаар Дарханаас сонгогдсон гишүүн Г.Дамдинням: Дарханы замыг 4 жил самарч байгаа Хятадын бүтэлгүй компанид ажил өгсөн Үнэлгээний хороог АТГ-т шалгуул. Дарханы замаар явж буй иргэд, ААН-ийн хөрөнгөд учирч байгаа хохирлыг хэн барагдуулах вэ. ЗТХ-ийн сайд Л.Халтар та энэ шалгуулах ажлыг яагаад хийхгүй, өмгөөлж хамгаалаад гүйгээд байгаа юм бэ. Өдөр тутамд тэр замаар явж байгаа хүмүүс хохирч байна. Азийн хөгжлийн банкнаас болж удааширч байна гэсэн тайлбар тавьдаг. Үнэн бодит байдал дээрээ Монгол Улсын Худалдан авах ажиллагааны тухай хуулиар ЗТХЯ үнэлгээний хороо байгуулж, шийдвэр гаргадаг ийм л хуультай." хэмээн ЗТХЯ-ны сайд Л.Халтарыг шүүмжлэв.
