Монгол улсын Үндсэн хуулийн 16.16-д “Монгол Улсын иргэн итгэл үнэмшилтэй байх, үзэл бодлоо чөлөөтэй илэрхийлэх, үг хэлэх, хэвлэн нийтлэх, тайван жагсаал, цуглаан хийх эрх чөлөөтэй” гэж заасан байдаг.Үндсэн хуулиар тогтоож өгсөн энэхүү эрх чөлөөг хязгаарлах, иргэдийн үзэл бодлоо илэрхийлэх эрх чөлөөнд төрөөс хяналт тогтоох гэсэн хуулийн төслийг сүүлийн жилүүдэд Их хурлаар батлахаар зүтгэх боллоо.УИХ-ын гишүүн Х.Нямбаатарын тэргүүлж буй Хууль зүй дотоод хэргийн яамнаас Эрүүгийн хуульд нэмэлт өөрчлөлт оруулах хуулийн төслийг өргөн барихаар болсон бөгөөд тус хуулийн төслийн 13.15 дугаар зүйлд, “Хүний нэр төр, алдар хүндийг олон нийтэд гутаан доромжилсон бол дөрвөн зуун тавин нэгжээс нэг мянга гурван зуун нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл нэг сараас зургаан сар хүртэл хугацаагаар зорчих эрхийг хязгаарлах ял шийтгэнэ” гэж заажээ.Тус хуулийн төсөл УИХ-аар батлагдвал УИХ-ын гишүүн, сайд, дарга нарыг шоглодог Комеди элэглэлийн залуус хамгийн түрүүнд хоригдох шинжтэй.
Тэдний араас шог зураач, шог зохиолчид, жүжигчид гээд голдуу уран бүтээлчид дээлээ нөмрөх шинжтэй. Мөн цахим орчинд үзэл бодлоо илэрхийлсэн жирийн иргэд ч олноороо торгуулж хоригдож юм юм л үзэх шинжтэй болоод явчихлаа.Сайд дарга нар УИХ-ын гишүүдэд “Жонхуу, Нянбактер, Боов, Данх, Босоо, Бетон, Хятадын эрлийз” зэргээр нэр хоч өгч, доромжилсон иргэнд эрүүгийн хариуцлага хүлээлгэж, торгох эсвэл 6 сар хүртэл хоригдох магадлалтай аж.30 жилийн өмнөх Ардчилсан нийгэм рүү орсон Монгол улс ийнхүү Хойд Солонгос, Туркменстан зэрэг орны ардаас мацаж эхлэв бололтой. Хууль зүйн сайд Х.Нямбаатарын үед Монголчууд их л юм үзэх нь. Дарга нарыг "Ховор хүмүүс" кинонд гардаг шиг Дүүриймаа бүсгүйгээр угтуулаад, өдөржин дайлуулвал сэтгэл нь амрах шинжтэй. Саяхан тэрээр улсынхаа орлогыг нэмэгдүүлэхийн тулд Казиногийн хууль батлана хэмээн сэтгүүлчдэд мэдэгдсэн юм. Гэвч уг Казинод нь Монгол хүн орох эрхгүй гэж "Супер стратеги онол" гаргаж гайхшруулсан. Социализмийн үед монголчууд "Орос дэлгүүр" орох гэж бүдүүн орос авгайд хөөгдөж туугдаж явсан тэр үе шиг. Монголчууддаа үйлчилж чадахгүй Казино гадаадын иргэнд үйлчилж чадах уу? Х.Нямбаатарын мөрөөдлөөр Монголын казино байгуулагдаад шууд Монте Карло, Макао, Лас Вегастай өрсөлдөх юм байх. Энэ хуулийн төсөл нь фэйсбүүк, твиттер зэрэг олон нийтийн сүлжээнд УИХ-ын гишүүн, сайд, дарга нарыг шүүмжлэхээс сэргийлж ирэх сонгуульд иргэдийн амыг таглах гол хөзөр нь болж магадгүй байгаа юм. Х.Нямбаатар ингэж зүдэрч байхын оронд фэйсбүүк, твиттер, инстаграм, телеграм зэрэг бүх сошиал сувгийг шууд хаасан нь дээр бизээ.Ер нь бол улс төрчид 32 жил Монгол орноо хөгжүүлэхгүйгээр үл барам өөрсдөө насаараа идээд барахгүй их хөрөнгөтэй олигархууд болж ард түмнээ Доромжилж байгаа болохоос ард түмэн нь амьдрах гэж, өдрийн хоолоо яая гэж зүдэрч байгаа гэдгийг Х.Нямбаатар тэргүүтнүүд хэзээ ч ойлгохгүй бизээ. Ийм арга ядсан, хачин, сонин, этгээд хууль батла хэмээн хөхөө өвлийн хүйтэнд 30-40 мянгуулаа жагсаагүй гэдгийг санаж явах цаг чинь болжээ. Х.Нямбаатараа
