Мексик улсын Засгийн газар “Tesla”-ийг тус улсад үйлдвэрээ барих байршлыг хайхад дэмжлэг үзүүлж буйгаа мэдээлжээ
“Tesla” компани Мексик улсад хийх хөрөнгө оруулалтаа удахгүй зарлахаар төлөвлөснийг тус улсын Гадаад хэргийн сайд Марсело Эбрард мэдээллээ.
Мексик улс дотоодын зах зээлд орж ирж буй компаниуд улам нэмэгдсэнийг давуу талаа болгон дэд бүтэц, сэргээгдэх эрчим хүчний нөөцөө нэмэгдүүлэхийг зорьж байгаа юм.
Марсело Эбрардын хувьд энэхүү мэдээллийг Mексикийн Сонора мужид хийсэн айлчлалынхаа үеэр хэвлэлийнхэнд өгсөн бөгөөд харин албан ёсны мэдэгдлийг “Tesla” гаргана гэсэн хүлээлттэй байгаа аж.
Түүнчлэн Мексик улсын Засгийн газраас тэрбумтан Илон Маскийн компанид тус улсад үйлдвэрээ барих байршлыг хайхад дэмжлэг үзүүлж байгаагаа мэдээлсэн байна.