2022 онд эрчим хүчний оргил ачааллын 40 хувийг ААН, 9 хувийг орон сууцны айл, өрх, 16 хувийг гэр хорооллын өрхийн хэрэглээ бүрдүүлжээ
2022 онд төвийн бүсийн эрчим хүчний системийн оргил ачаалал 5.5 хувиар өссөн талаарх Эрчим хүчний зохицуулах хороо мэдээллээ.
Цаашид 2030 он гэхэд энэ бүсийн оргил ачаалал 2345 МВт болж, өнөөгийнхөөс 60 хувиар өсөх тооцоотой байна. Ойрын хугацаанд шинэ эх үүсвэр ашиглалтад орохгүй бол ачааллыг давахын тулд 1035 МВт-ын хязгаарлалт хийхээс аргагүйд хүрнэ гэж Эрчим хүчний зохицуулах хороо мэдээлж байна.
2022 онд эрчим хүчний оргил ачааллын 40 хувийг аж ахуйн нэгж, байгууллага, есөн хувийг орон сууцны айл, өрх, 16 хувийг гэр хорооллын өрхийн хэрэглээ бүрдүүлсэн тооцоолол гарчээ.
2023 онд айл, өрхийн хэрэглээнд оргил цагийн тарифыг нэвтрүүлэх, хэрэглээнээс хамаарсан тарифын шатлалыг нэмэгдүүлэх зэрэг арга хэмжээ авч хэрэгжүүлэхээр төлөвлөсөн байна.