3х3 сагсан бөмбөгийн дотоодын хамгийн том лиг болох ЭНЕРЖИ 3х3 лиг 2022 оны 4-р сарын 1-с, 5-р сарын 1-ны хооронд зохион байгуулагдаж дууслаа
Тус тэмцээний хамгийн том онцлог гэвэл, өмнө нь дан ганц Улаанбаатар хотод болдог лиг энэ удаа ДАРХАН, ЭРДЭНЭТ, СЭЛЭНГЭ, ӨМНӨГОВЬ аймагт олон улсын стандартын дагуу зохион байгуулагдаж бүс бүрээс шалгарсан эрэгтэй, эмэгтэй шилдэг12 баг өнгөрөгч амралтын өдрүүдэд лигийн аваргын төлөө өрсөлдлөө.
Эрэгтэй төрөлд Улаанбаатар баг түрүүлж шилжин явах цом болон Филиппиний нийслэл Манила хотод ирэх 5-р сарын 28-29-нд зохион байгуулагдах 3х3 сагсан бөмбөгийн чансаа хамгийн өнлөр, шагналын сан хагмийн том ДЭЛХИЙН ИХ ДУУЛГА тэмцээнд орох эрх авсан бол Амгалан, Тэскома 5D багууд удааллаа.
Лигийн финалын хамгийн оргил нь эмэгтэй шигшээ тоглолт байлаа. Өнгөрөгч 2021 оны олимпийн наадамд багийн спортын төрлөөр анх удаа орсон эмэгтэй баг бүрэн бүрэлдхүүнээрээ олимпийн наадмын эцсийн сонгон шалгаруулалтаас хасагдсан Б.Болор-Эрдэнээр ахлуулсан залуучуудын багтай учираа таарсан юм. Тоглолтын уур амьсгал эхнээсээ ширүүн болж Болор-Эрдэнэ тэргүүтэй залуу охил олимпийн багийг бут ниргэж аваргын цом өргөсөн. Хэдийгээр олимпийн баг хожигдол хүлээсэн ч бидний нэг баярлах зүйл нь дотоодын өрсөлдөөн ямархуу хэмжээнд хүчтэй байгааг харуулж байна. Харин эмэгтэй лигийн 3-р байранд NUM Баг оржээ.
