Токиогийн олимпод Монголын нэрийг өмнөөс барилдаж мөнгөн медаль хүртсэн Сайд Моллай Азербайжаны жүдо бөхийн холбоонд өргөдөл бичиж, тус улсын нэрийн өмнөөс барилдах хүсэлтээ илэрхийлсэн мэдээлэл цацагдсан билээ. Энэ талаар МЖБХ-ноос тодруулахад "Бид удахгүй албан ёсны мэдээлэл өгнө" гэв.
Саид Моллаи нийслэл Бакуд уригдаж, эрүүл мэндийн шинжилгээнд орсон бөгөөд Европын АШТ-д оролцох шигшээ багтай хамтарсан бэлтгэл хийсэн байна. Азербайжаны жүдо бөхийн холбоо Олон улсын Жүдо бөхийн холбоотой энэ талаар хэлэлцэж, хэзээ Азербайжаны багт барилдаж болохыг тодруулж байгаа аж.
Саид Моллаи 2019 оны ДАШТ-ий дараа Иранаас дүрвэж, манай улсын шигшээ багт орсон билээ. Улмаар Токиогийн олимпод Монгол Улсын нэр дээр зодоглон, мөнгөн медаль хүртсэн билээ.
