Эдийн засгийн хөгжлийн сайд Ч.Хүрэлбаатар цахим хуудсандаа нүүрсний жинхэнэ хулгайч нар "гөлөг төөрүүлэх" ажиллагаа явуулж буй талаар бичжээ.
Сайд Ч.Хүрэлбаатар "Нүүрсний хулгайн хэргийг эзэн биегүй болгох, жинхэнэ хулгайч нараас холдуулах, саармагжуулахын тулд өргөн хүрээтэй “гөлөг төөрүүлэх” ажиллагаа явж байна. Үнэнг худал болгох, худлыг үнэн болгох ажил ч идэвхжиж байна. “Гөлөг төөрүүлэх” ажиллагааг хулгайч нар ихээхэн мөнгөөр зохион байгуулж байна. Их мөнгө зараад нүүрсний хулгайгаа төөрөгдүүлж чадах уу? Үгүй л байх гэж их найдаж байна" хэмээжээ. Харин Ардчилсан намын зүгээс түүнийг АТГ-т шалгуулахаар өгсөн билээ.