БНСУ-ын бодибилдингийн алдарт тамирчин Хуан Чүл Сон Монгол улсад хүрэлцэн ирээд байгаа билээ. Тэрбээр 2022 оны наймдугаар сард болох "Chul Soon classic" тэмцээний бэлтгэл ажлаар Монгол Улсад хүрэлцэн ирсэн юм .
Түүний тухай хамгийн сонирхолтой нэгэн шинэ мэдээ тархсан нь Монгол Улсын хүчит Арслан Цэдэвийн Содномдоржтой 100 сая төгрөгний бооцоот барилдаан хийхээр болсон тухай. Харин энэ нь ташаа мэдээлэл болохыг Монголын бодибилдинг, фитнессийн холбооноос мэдээлэв. Тус холбооноос мэдээлэхдээ "Бодибилдингийн алдарт тамирчин Хуан Чүл Сон, Үндэсний бөхийн Улсын арслан Ц.Содномдорж нар хоёр өөр төрлийн тамирчид. Фитнесс болон бөхийн спортын тамирчдыг хооронд нь өрсөлдүүлэх ямар боломжгүй" хэмээн тайлбарлажээ.
"Азийн Арнольд Шварценеггер" гэгддэг тэрбээр фэйсбүүкт 2 сая, инстаграм дээр 1.6 сая, youtube хуудаснаа 500 гаруй мянган дагагчтай, Азийн болон дэлхийн бодибилдингийн шилдэг тамирчин юм.
