Хөгжлийн банкны хэрэгт холбогдсон УИХ-ын гишүүдийг бүрэн эрхийг түтгэлзүүлэх гээд орж ирсэн Ерөнхий прокурор Б.Жаргалсайхан "Шударга ёсыг тогтоох, гэмт хэргийг таслан зогсооход дэмжлэг болох үүднээс энэ асуудлыг оруулж ирлээ" гэсэн. Гэтэл Халдашгүй байдлын дэд хорооны эдгээр гишүүд "Бидний журмын нөхөд, зэвсэг нэгт ахан дүүсийнхээ бүрэн эрхийг түтгэлзүүлэхгүй" гэлээ. Ерөнхийдөө "Удахгүй манийг бас түтгэлзүүлэх гээд ороод ирж мэднэ" гэсэн байр суурьнаас хандсан байна шүү. Шударга дүр эсгэдэг, дуугардаг гэж цээжээ дэлддэг Б.Бат-Эрдэнэ "Хөгжлийн банкинд гарсан хулгай дээрмийн хэргийг таслан зогсоохын төлөө эцсийн хүчээ шавхан үзнэ" гэсэн нь худлаа болов. Камер харахаараа худлаа ярьдаг "поп" гар гэдгээ харууллаа.
С.Бямбацогт өөрөө өөрийнхөө эсрэг кноп дарахгүй нь ойлгомжтой. Монгол төрөөс хамгийн их тендер, концесс авсан этгээд л дээ. Ц.Мөнх-Оргил хашир улс төрч учраас салхи хаашаа эргэхийг хараа биз дээ. Оффшорчин Сү.Батболдоос юу хүлээх дээ. Н.Энхболдын хувьд гай гавьяа багатай, захиалгат кнопчин шүү. Саяхан л МАН-ын удирдлага Хөгжлийн банкны хулгай луйврыг илчлэхийн төлөө хууль хяналтын байгууллагаа чөлөөтэй ажиллах бололцоо олгоно. Шударга ёс тогтоохын төлөө гишүүдээ өмөөрөхгүй, хаацайлахгүй гээд байсан даа. Гэтэл худлаа болов. Ингээд энэ хэрэг замхрах тийшээ хандлаа. Г.Амартүвшингээс эхлээд шалгуулчихъя гээд байхад тийм боломж олгож чадахгүй байгааг олон нийт юу гэж ойлгох вэ. Энэ гурав эрхи шиг хөвөрдөөд эхлэх аваас бүгд ар араасаа маршлана гэсэн айдас байгаа бололтой. Бүрэн эрхээсээ татгалзаад шалгуулья гэсэн гишүүдийн ар талд жинхэнэ дархлагдсан луйварчид, дээрэмчид үлдэв бололтой. Хөгжлийн банкны асуудал МАН-аас зохион байгуулсан "Айлгах төлөвлөгөө" хэмээх телевизийн шоу байж дээ. Сэтгүүлчид команд авсан аятай нам болох хөөрхий.
