УИХ-ын гишүүн Т.Доржханд өнөөдөр мэдээлэл хийхдээ УИХ-ын гишүүн С.Ганбаатар хулгайчдыг хамгийн их өмөөрсөн хэмээн мэдэгдлээ. Тэрээр "Манай ангийн нөхдүүд Хөгжлийн банкны хулгайчдаа хамгаалж, түдгэлзүүлэхгүй авч үлдлээ. Бид хулгайтай тэмцэх ёстой биз дээ. Хулгайлсан бол хулгайч гэдгийг нь хэлэх
ёстой. 4 гишүүний бүрэн эрхийг түдгэлзүүлэх УИХ-ын хаалттай хуралдаан дээр УИХ-ын гишүүн С.Ганбаатар хулгайчдыг хамгийн их өмөөрсөн. Яагаад гэвэл С.Ганбаатар өөрөө Хөгжлийн банкны зээлтэй холбоотой. Гэтэл ард түмэн түүнийг шударга гэж өргөмжилдөг. Тэр шударга нь хаана байна вэ. Мөн Н.Алтанхуяг гишүүн хамгийн
их сандарч тэвдсэн. Худлаа гэвэл чуулганы хаалттай хуралдааны протокол дээр бичигдсэн байгаа" хэмээлээ. Цагтаа нэг намд харьяалагдаж ХҮН намын дарга байсан С.Ганбаатарыг тэрбээр ийнхүү Хөгжлийн банктай холбоотой хэмээн мэдэгдэв.
