Бямба гарагийн орой Оросын төрийн мэдээллийн агентлагууд ерөнхийлөгч Владимир Путин Украинд цэргийн тусгай ажиллагаанд оролцож буй цэргийн салбаруудын нэгдсэн штабт очсон тухай мэдээлэв.
Кремлийн хэвлэлийн төлөөлөгч Дмитрий Песковын мэдээлснээр, "баасан гарагт Путин тэнд бүтэн өдрийг өнгөрөөж, штабын ажилтай танилцаж, ЗХЖШ-ын ажлын явцын тайланг сонсож, мөн командлагч нартай тусдаа уулзалт хийсэн" гэжээ.
Уулзалтын дүрс бичлэгийг Оросын телевизийн сувгууд үзүүлсэн бөгөөд ОХУ-ын Батлан хамгаалахын сайд Сергей Шойгу, Жанжин штабын дарга Валерий Герасимов нар Ерөнхийлөгчийг дагалдан явжээ. Дашрамд тодотгоход Путин өнөөг хүртэл хэзээ ч дайны бүсэд очиж үзээгүй байсан юм. Харин тусгай ажилагааны Төв байр нь яг хаана байгааг Кремль тодорхойлоогүй байна.
ОХУ-ын эрх баригчид болон депутатууд ОХУ-д эзлэгдсэн Украины нутаг дэвсгэрт хийсэн айлчлалынхаа талаар тогтмол мэдээлдэг. 12-р сарын 2-нд Москва хотын дарга Сергей Собянин "цэргийн тусгай ажиллагааны бүс" рүү аялсан тухай мэдээлсэн юм.
Үүнээс өмнө арванхоёрдугаар сарын 5-нд В.Путин Мерседес маркийн машинаар Крымын гүүрээр явж гүүрний засварын ажилтай танилцсан юм.
Эх сурвалж: ВВС
