Хятадын засгийн газар өөрийн LoongArch архитектурт суурилсан Loongson процессоруудаа экспортлохыг хориглов. Энэхүү хориг нь чип үйлдвэрлэх технологи нь стратегийн ач холбогдолтой бөгөөд Хятадын цэрэг-аж үйлдвэрийн цогцолборт ашиглагдаж байгаатай холбоотой юм.
Энэ мэдээллийг цахилгаан барааны зах зээлийн эх сурвалж баталж, Хятад улс цэргийн бүтээгдэхүүнд хамгийн сайн чип ашигладаг бөгөөд тус улс ийм техноогийн хөгжлөө хуваалцах бодолгүй байгааг харуулж байна гэжээ.
"Промобит" компанийн захирал Максим Копосов Орост Loongson чипс ашиглан дор хаяж нэг массын төсөл хэрэгжиж эхэлсэн байх магадлал бага тул одоогоор энэ шийдвэрийн улмаас гарах ямар нэгэн хохирол харагдахгүй байна гэж тэмдэглэв. Шинжээчдийн үзэж байгаагаар энэ хориг нь ёс төдий бөгөөд Loongson чип дээр суурилсан зөөврийн компьютер, эх хавтан зэргийг тухайлбал, AliExpress-ээр дамжуулан худалдан авах боломжтой хэвээр байна.
Орос-Азийн үйлдвэрчид, бизнес эрхлэгчдийн холбооны дарга Виталий Манкевич хэлэхдээ, нийлүүлэлтийг албан ёсоор хориглоогүй бөгөөд хэрэв ийм зүйл болбол гуравдагч орнуудаар дамжуулан жижиг компаниудаас худалдаж авах гэхчлэн олон арга бий гэв.
Өөр нэг ярилцагч хэлэхдээ, Хятадын процессорууд техникийн шинж чанараараа Оросын шийдлүүдээс түрүүлж байгаа хэдий ч барууныхад хүрч чаддаггүй тул Intel-ийн бүтээгдэхүүнийг дэлхий даяар худалдаж авах нь илүү хялбар бөгөөд аюулгүй юм гэв.
Эх сурвалж: Лента.ру
