Орос улс зул сарын баяраар цэргээ Украинаас гаргаж эхэлбэл түрэмгийллээс татгалзах чадвараа харуулж чадна гэж Украины Ерөнхийлөгч Владимир Зеленский даваа гарагт G-7-ийн удирдагчдад мэдэгдэв.
"Бид Москвад байнга ярьдаг дипломат зохицуулалтын талаар тодорхой, утга учиртай алхам хийхийг Орост санал болгож байна. Дэлхийн олон тэрбум хүмүүсийн тэмдэглэдэг баяр тохиож байна. Григорийн хуанлигаар Зул сарын баяр, Шинэ жил гэхчлэн. Энэ бол жирийн хүмүүс түрэмгийллийн тухай биш харин энх тайвны тухай боддог үе юм. Орос улс түрэмгийллээс татгалзах чадвартай гэдгээ ядаж нотлохыг хичээгээрэй гэж би санал болгож байна. Энэ хүрээнд зул сарын баяраар Оросын цэргийг Украины олон улсад хүлээн зөвшөөрөгдсөн нутаг дэвсгэрээс гаргаж эхлэх нь зөв байх " гэж тэр хэлэв.
Хэрэв Орос Украины нутаг дэвсгэрээс цэргээ гаргавал байлдааны ажиллагаа найдвартай зогсох болно гэж тэр нэмж хэлэв.
"Таныг бидний уриалгыг дэмжинэ гэж найдаж байна. Учир нь энэ бол дэлхий нийтийн ашиг сонирхол. Мөн энэ бол бидний энх тайвны томъёоллын нэг хэсэг юм. Эзлэн түрэмгийлэгчид явах ёстой. Энэ нь гарцаагүй болох үйл явдал. Орос улс үүнийг одоо хийхгүй байх ямар ч шалтгаан олж харахгүй байна." гэж Украины ерөнхийлөгч дэлхийн тэргүүлэгч гүрнүүдийн удирдагчдад хандан хэлэв.
Ерөнхийлөгч Зеленскийн оролцсон Их Долоогийн даваа гарагт болсон онлайн уулзалтын үеэр удирдагчид Украины тусгаар тогтнолыг хамгаалахад санхүүгийн дэмжлэгийг оролцуулан бусад тусламжийг үргэлжлүүлэн олгохоор тохиролцов.
Оросын түрэмгийллийн эсрэг үргэлжлүүлэн хамгаалах шаардлагатай байгаа талаар Зеленский ярьж Украинд пуужингийн их буу, алсын тусгалын пуужин өгөхийг Их 7-оос хүссэн байна.
Украины Ерөнхийлөгч “Орос улс их буу, пуужингийн давуу талтай хэвээр байгаа, энэ бол баримт гэдгийг онцоллоо.
Зеленский "Бидэнд илүү их пуужин, их буу, алсын тусгалын пуужин хэрэгтэй. Ийм зэвсгээр илүү үр дүнтэй байх тусам Оросын түрэмгийлэл төдий чинээ богино байх болно" гэж Зеленский хэлжээ.
Үүний зэрэгцээ Украины ерөнхийлөгч ч хэлэлцээрт бэлэн байгаагаа харууллаа.
"Одоо бид дипломат арга барилыг ашиглан бүх ард түмэн, газар нутгаа чөлөөлөх ойртуулах боломжийг мэдэрч байна" гэж Зеленский хэлэв.
Эх сурвалж: ВВС
