Олимпын хошой, дэлхийн 10 удаагийн аварга Тедди Ринер Монгол улсад хамтарсан бэлтгэл хийх хүрэлцэн ирлээ. Тэрбээр Токиогийн олимпоос хойш тэмцээнд оролцоогүй байгаа юм байна. Тедди Ринер өмнө нь 2012, 2015 онд Монголд ирж байсан юм.
Тедди Ринерийн хувьд гол зорилго нь 2024 оны Парисын олимп бөгөөд тэрээр шинэ олимпын циклээ гуравдугаар сард Бразилд хамтарсан бэлтгэл хийж эхлүүлсэн аж. Улмаар манай улсад монгол тамирчидтай хамтарсан бэлтгэл хийхээр болж байна.