ОХУ-ын гадаад хэргийн сайд Сергей Лавров Баасан гарагт “Аль Арабия” телевизийн сувагт ярилцлага өгчээ.
Тэрээр АНУ-ын гадаад улс орнуудад ажиллуулдаг био лабораториудын талаар ярихдаа Монгол улсын нэрийг дурдсан байна.
С.Лавров хэлэхдээ “Дэлхий даяар АНУ-ын биологийн зэвсгийн лабораториуд хэдэн зуугаараа байдаг. АНУ-ын төрийн нарийн бичгийн даргын орлогч У.Нуланд өвчин үүсгэгч бактерийг, судалгааны ажлаа Оросын гарт оруулахгүйн тулд шаардлагатай бүхнийг хийсэн гэж хэлсэн нь санамсаргүй хэрэг биш. Тэд энхийн бус зориулалттай зүйл хийж байгаагаа хүлээн зөвшөөрсөн. Америкууд Орос, Хятадын эргэн тойронд лаборатори байгуулж байгаа. Тэд бүр Монголыг энэ "тоглоомдоо" татаж оруулахыг оролдсон” гэжээ.
Оросын зарим улс төрчид сүүлийн үед АНУ Монголд био лаборатори байгуулах талаар ярилцаж байгаа тухай ярих болсон юм.
