NASAM цогцолбор нь үнэ өртөг өндөртэй боловч үр дүнтэй, найдвартай орчин үеийн агаарын довтолгооноос хамгаалах систем юм. Тодруулбал, энэ нь газар-агаар ангиллын орчин үеийн пуужингийн систем юм.
Пентагон NASAMS агаарын довтолгооноос хамгаалах зургаан системийг Украинд нийлүүлэх зорилгоор АНУ-ын Raytheon Technologies компантай 1.2 тэрбум долларын гэрээ байгуулна.
Энэ тухай Ройтерс агентлагийн сэтгүүлчид баталгаатай эх сурвалж, баримт бичигт үндэслэн мэдээлэв. Ерөнхий дүнгээрээ АНУ-ын эрх баригчид Украинд нийт найман NASAMS системийг илгээхийг зөвшөөрөөд байгаа юм.
Одоогоор ийм хоёр систем Украинд хэдийнэ ирээд байна.
NASAMS цогцолбор нь нам болон дунд өндөрт агаарын байг устгах зориулалттай, ойрын ба дунд тусгалын хөдөлгөөнт зенитийн пуужингийн систем юм. Энэ нь нисгэгчгүй онгоц /дрон/, баллистик болон далавчит пуужин, нисдэг тэрэг, нисэх онгоц, тэрчлэн агаарын бусад байг устгах чадвартай маневр сайтай зэвсэг юм.
Энэхүү цогцолборыг Норвегийн Kongsberg Defence & Aerospace компани, Америкийн Raytheon Technologies компани хамран бүтээжээ.
Эх сурвалж: ВВС